होसे 1

1यहूदा को राजा उज्जिय्याह, योताम, आहाज अखिन हिजकिय्याह को सासन को बेरा मा, अना इसरायल को राजा योआस को टूरा यारोबाम को सासन को बेरा मा, परमेस्वर को बचन बेरी को टूरा भविस्यवक्ता होसे को जवर धाडयो1।

भविस्यवक्ता होसे को बायको अना लेकरा

2जब यहोवा ना भविस्यवक्ता होसे को कन लक पयले पहल गोस्टी कियो, तबा ओना होसे लक असो कह्यो, “जायके एक बेसिया ला आपरो बायको बनाय ले, अना ओको खोटो करम को लेकरा गिनला अपना ले, काहेकि यो देस यहोवा को मंघा चलनो सोड़के बेसिया को जसो खोटो काम करासे।”

3एकोलाय वोना दिबलैम की टूरी गोमेर ला आपरी बायको बना लियो, अखीन उ वोको लक पोट लक भयी अना ओको एक टुरा पयदा भयो। 4तबा यहोवा परमेस्वर ना ओको लक कह्यो, “ओको नाव यिजरेल 2राख, जरासो बेरा मा मी येहू को घराना ला यिजरेल को खून करन को सजा देहुँ, अना मी इसरायल को घरानो को राज को अन्त कर देहू।3 5वोना बेरा मी यिजरेल को घाटी4 मा इसराइल को सेना को ताकत ला तोड़ डाखू।”

6वा बायको मंग पोटलक भयी अना ओको एक टूरी पयदा भयी। तबा परमेस्वर ना होसे लक कह्यो, “ओको नाव लोरुहामा5 राख। काहेका मी इसरायल को खानदान पर कभ्भू दया करके उनको गलती ला कोनी परकार लक छिमा नही करू।” 7“पर यहूदा को खानदान मा मी दया करहीन, अना उनको सूटकारा करू, उनको सूटकारा, मी धनुस या तरवार या लडाई अना घोड़ा अना सवारों को लक नही, पर उनको परमेस्वर यहोवा को कन लक करहुँ।”

8जबा ओनो बायको ना लोरुहामा को दूध सुड़ायो, तबा उ पोटलक भयी अना ओको एक टुरा पयदा भयो। 9तबा यहोवा परमेस्वर ना कह्यो, “एको नाव लोअम्मी राख, काहेका तुमी मोरो परजा नही सेव, अना ना च मी तुमरो परमेस्वर रहुँ।”

इसराइल को दुबार इसतापना

10तबा भी इसरायल को गिनती सागर को बालू को जसो होय जाहेत, जिनको नापनो-मोजनो नही कर सकत, अना जोन जघा मा उनलक यो कव्हयो गयो होतो, “तुमी मोरो परजा नही सेव।6” वोना जघा मा वय जित्तो परमेस्वर को सन्तान कहलाहेत। 11तबा यहूदी अना इसरायल को लोख जमा होय आपरो एक मुखिया ठयराय के देस लक चलयो आहेत काहेका यिजरेल को मानयो-जानयो जाहीर दिवस होहेत।