इब्रानियो

इब्रानियो के नाव पौलुस का पत्र

इब्रानियो को नाव पौलुस की चिठ्ठी

परिचय

इब्रानियो को किताब एक जोस पैदा करन वारो चिठ्ठी से। जोन दरसावा सेत का कसो यीसु ना जूनो करार को लगत भविस्यवानी गिनला पूरो करीस। यो एक उपदेस को जसो लिख्यो गयो होतो। इब्रानियो को जूनो करार लक 60 लेक जादा परसंग से। जोन सफा-सफा चोवासेत का यीसु कसो भविस्यवानी अखीन यहूदी महायाजक को काम ला पूरो करयो से। एना कारन लक यो किताब यहूदी ईसाई गिनला जोस दिलावन वालो होतो। इब्रानियो ना चोवायो का कसो यीसु ना कानून ला पूरो करयो, जोन लक याजक गिनला दुबारा बली देवनो नोको पड़े। यीसु सबको पाप को लाय एक बार हरामेसा को लाय बली होतो। आमरो बेरा मा ईसाई गीन इब्रानियो को चिठ्ठी लक बढ़ावा पाय सका सेत। का वय यीसु को मघा चलतो बेरा जोन आमरो लाय परमेस्वर पर भरोसा करनो संभव बनावासेत। अखीन संगमा वोको पर भरोसा करतो रव्हनो।

इब्रानियो ला कोनना लिख्यो से यो कोनीला मालुम नाहती पर विदवान गीनना पेरीत पौलुस, लूका या बरनबास जसो मा लक कोनी सेत। लेख को तिथी भी मालुम नाहती। लेकिन लगत लोक गिनको असो मानता सेत का, ईसा को जलम को मघानी सन 70 को पहले लिख्यो गयो से काहेका अना 70 मा यरुसलेम नगर ला नास करयो होतिन। पर यो चिठ्ठी मा लेखक यरुसलेम नगर को बारेमा गोस्टी करासेत। असो जसो अबा नास नही भयो सेत। इब्रानियो ला रोम सहेर मा में लिख्यो गयो होतो। अना असो लगासे का लगत चरच मा धाड़यो गयो होतो।

रूपरेखा

1. लेखक चोवायो से का यीसु भविस्यवक्ता अखीन सरगदूत गीन लक लगत बेस से।

2. मंग वा चोवायो से का यीसु उन याजकगीन लक बेस से जोन यरुसलेम मा परमेस्वर को मंदिर मा सेवा करासेत।

3. संगमा यीसु को सेवा को काम वोना जुनो करार लक बेस से जोन ला परमेस्वर ना आपरो परजा को काजी मोसे को नियम दियो होतो।

4. यो समजावन को मघानी का यीसु हरेक परकार लक साजरो से, लेखक लगत परकार लक बरताव को निरदेस देवासे।

5. अखट्ट मा लेखक काही बढ़ावा अखीन नमस्कार को संग चिठ्ठी ला खतम करासे।