Powari Standard Project
पैदाइस 5
आदम को खानदान
(1 इतिहास 1:1-4)
आदम को खानदान को सूची यो से। जबा परमेस्वर ना मानूस ला बनायो तबा आपरो च जसो रूप मा ओला बनाईस । ओना मरद-आईमाई करके मानूस ला बनाइस अना उनला आसीस देइस, अना उनको बनावनो को दिवस उनको नाव आदम राखिस। जबा आदम एक सौ तीस बरस को भयो, तबा ओको कना ओको जसो डिलडोल मा ओको रूप मा एक लेकरा पैदा भयो। ओना ओको नाव सेत राखिस सेत को जनम को मंघा आदम आठ सौ बरस जिंदो रहयो, अना ओको अखिन भी बेटा बेटी गीन पैदा भयीन। ऐना प्रकार आदम परो तरीका लक नौ सौ तीस बरस को भयो एको मंघा उ मर गयो। जबा सेत एक सौ पाँच बरस को भयो तबा ओको लक एनोस को जलम भयो। एनोस को जलम को मंघा सेत आठ सौ सात बरस जिंदो रहयो, अना ओको अखिन भी बेटा बेटी पैदा भईन। एने रिती लक सेत को कुल उमर नौ सो बारह बरस को भयो; एको मंघा उ मर गयो। जब एनोस नवद बरस को भयो, तबा ओको लक केनान ना जलम लियो। केनान को जलम को मंघा एनोस आठ सौ पंदरा बरस जिंदो रहयो, अना ओको अखिन बेटा बेटीगीन पैदा भयीन। एने रिती लक एनोस को कुल उमर नौ सौ पाँच बरस को भयो; एको मंघा उ मर गयो। जबा केनान सत्तर बरस को भयो, तबा ओकोलक महललेल को जनम भयो। महललेल को जलम को मंघा केनान आठ सौ चालीस बरस जिंदो रहयो। अना ओको अखिन बेटा बेटीगीन पैदा भयीन। ऐना रिती लक केनान को पूरी उमर नौ सौ दहा बरस को भयी, एको मंघा उ मर गयो। जबा महललेल पैंसठ बरस को भयो, तबा यारद ला जलम दियो। यारद को जलम को मंघा महललेल आठ सौ तीस बरस जिंदो रहयो, अना ओको अखिन बेटा बेटीगीन पैदा भयीन। यो रिती लक महललेल कुल आठ सौ पंचानबे बरस जीवित रहयो। एको मंघा ओकी मिरतु भय गयी। जबा यारद एक सौ बासठ बरस को भयो तबा ओना हनोक ला जलम देयीस। हनोक को जलम को मघा यारद आठ सौ बरस तक जिंदो रहयो। ओको अखिन बेटा बेटी जलम लेईन। यो रिती लक यारद नौ सौ बासठ बरस जिंदो रहयो। एको मंघा ओको मिरतु भय गयी। जबा हनोक पैंसठ बरस को भयो तबा ओना मथुसलेह ला जलम देइस। मथुसलेह को जलम को मंघा हनोक तीन सौ बरस तकन परमेस्वर को संगा रहयो ओको अखिन टूरा-टूरी पयदा भयीन। यो रिती लक हनोक पुरो तीन सौ पैंसठ बरस जिंदो रहयो। हनोक परमेस्वर को संगी होवनो लक उ यहान नही रहयो; काहेकि परमेस्वर ना ओला उचल लेईस। जबा मथुसलेह एक सौ सत्तासी को भयो तबा ओना लेमेक ला पैदा करीस। लेमेक को पयदा होवन को मंघा मथुसलेह सात सौ बयासी बरस तक जिंदो रहयो अखिन ओको अखिन टूरा-टूरी गीन पयदा भयीन। यो रिती लक मथुसलेह पुरो नौ सौ उनहत्तर बरस तक जिंदो रहयो। ओको मंघा ओको मिरतु भय गयी। जबा लेमेक एक सौ बयासी बरस को भयो तबा वोना एक लेकरा ला जलम दियो। ओना ओको नाव नूह राखिस अना कह्यो, “जेना भुई ला परमेस्वर ना सराप देयीसेस, ओमा काम करत बेरा आमरो कड़ो मेहनत मा यो आमला आराम देहे।” नूह को जलम को मंघा लेमेक पांच सौ पंचानबे बरस तक जिंदो रहयो। ओको अखिन टूरा-टूरी पैदा भयीन। यो रिती लक लेमेक कुल सात सौ सतहत्तर बरस जिंदो रहयो। एको मंघा ओकी मिरतु भय गयी। जबा नूह पांच सौ बरस को भयो तबा उ ना सेम, हाम अना याफत ला पैदा करीस।
Powari Standard Project. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.