दानिय्येल

दानिय्येल

दानिय्येल

परिचय

दानियेल को किताब बेबीलोन को इसरायलीगिन को गुलामी को बेरा को बीच मा भबिस्य बतान वालो दानियेल को जीवन अना भबिस्य सूचक खबर दरसनगिन लक जुड़यो हुयो से। यो दानियेल अना वोको संगी को बफादारी को संग-संग रास्टगिन अना दुनिया लक जुड़यो हुयो भबिस्य को बारे मा बताव से। किताब 605 लक लगभग 535 ईसा को पहले तकन को बेरा ला साथ मा मिलाव करा से, जहाँन दानियेल ना बेबीलोन को चारी बेगरो-बगरो राजागिन को सासनकाल को बेरा सेवा कियो होतो। पहेलो लक चलतो आय रह्यो चोवन को नजरिया यो से का दानियेल ना आपच यो बख्त को बेरा बेबीलोन को किताब लिख्यो होतो, पर काही यो जुग को बिदवानगिन को दावा से, येला बाद मा दुसरो सताब्दी ईसा को पहेले को बख्त, इजरायल मा लिखयो गयो होतो। बेगरो लोगगिन को माननो से का किताब को काही हिस्सा बेगरो-बेगरो बेरा मा लिख्यो गयो होतो। दानियेल को किताब गुलामी मा रव्हन वाला इसरायलीगिन को संग-संग मुसीबत बेरा आवनो पर आवन वाली पीढ़ी ला आसा देवन को लाय लिख्यो गयो होतो।

दानियेल को जीवन को घटनागिन अना भविस्य लक जुड़यो हुयो भबिस्यवानीगिन दुयी को लक, परमेस्वर राजागिन अना रास्टगिन पर आपरी ताकत दिसावासे। बाइबल को बारे मा, यो नवतो करार मा परमेस्वर को राज ला समझन को लाय मदद करासे।

रूपरेखा

1. नबूकदनेस्सर को सासनकाल को बखत बेबीलोन मा दानियेल अना वोको संगीगिन को बारे मा सांगयो गयो से।

2. राजा बेलसस्सर को दरसन ला दानियेल ना बखान को बारे मा सांगयो से।

3. दारा को सासनकाल को बख्त सेर को मांद मा दानियेल को बारे मा सांगयो गयो से।

4. भबिस्य को घटनागिन को बारे मा दानियेल को परमेस्वर को कन लक लिख्यो हुयो गोस्टी मिल्यो हुयो से।

क.दानियेल भबिस्य को बारे मा दुयी दरसन अना वोको बखान बतायो गयो से।

ख. दानियेल आपरो लोगगिन को लाय पिराथना करासे अना सरगदूत जिबरायिल वोको जबाब देवासेत।

ग. अध्याय 10-12 मा जिबरायिल भबिस्य को गोस्टीगिन को खुलासा करासे, जोन मा अखट्ट को बेरा भी मिलयो हुयो से।