Pogoro Bible Version
Zabuli 70
Kuluwa utanga
Zabuli 40:13-17
Gwee Mlungu gundopoli!
Gwee Mtuwa Mlungu, gwizi kalongola kuntanga.
Yawafira kundaga
na wasoniziki na kufezeeka!
Awa yawafira ntenduwi,
wawuziwi kumbeli kwasoni.
“Woseri yawambolera
wawuyi kumberi toziya ya soni yawu.”
Kumbiti woseri walii yawakusakula,
wasekeleri na kufyapilira toziya ya gwenga.
Yawafira ulopola waku walongi,
mashaka goseri, na watakuli, “Mlungu ndo mkulu!”
Neni yawera mhushu na nahera shintu,
gunizili kalongola, gwee Mlungu!
Gwenga ndo mtanga gwangu na mkombola gwangu,
gwee Mtuwa Mlungu, nagukawalira
Pogoro Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.