Pengo Bible
ଆଦି 36
ଏସାଉ ବଁସ୍ନି ଲକୁ
(୧ ବଂସାବଲି ୧:୩୪-୩୭)
ଏସାଉତି ଲାତ୍ରା । ତା ବିନ୍ ତର୍ ଇଦମ୍ । ଏସାଉ କିଣାନିୟାର୍ତି ରି ଗାଚ୍କୁକାଂ, ଇଚିସ୍, ହିତିୟ ଏଲନତି ଗାଚ୍କୁ ଆଦାତିଂ ଆରି ଅନାର ଗାଡ଼୍ ହିବିୟ ସିବିୟନ୍ନି ନାତିଣି ଅହଲିବାମାତିଂ, ହେବେନି ବିନ୍ ନବାୟତ୍ନି ତଣ୍ଦେଲିଂ, ଇଚିସ୍, ଇସ୍ମାଏଲ୍ତି ଗାଡ଼୍ ବାସମତ୍ତିଂ ବିବା କିତାନ୍ । ଇଦାଂପାଚେ ଏସାଉତି ନେତେର୍ତାଂ ଆଦା ଇଲିପସ୍ତିଂ ଆରି ବାସମତ୍ ରୁୟେଲତିଂ ଜଲମ୍ କିତାତ୍ । ଆରେ ଅହଲିବାମା, ଜିୟୁସ, ଜଲମ୍ ଆରି କରହତିଂ ଜଲମ୍ କିତାତ୍; ଏସାଉତି ଇ ୱିଜ଼ାର୍ ହିମ୍ଣାଙ୍ଗ୍ କିଣାନ୍ ଦେସ୍ତ ଜଲମ୍ ଆଜ଼ିମାଚାର୍ । ଇଦାଂପାଚେ ଏସାଉ ତା ଡକ୍ରୁହିକ୍ ଆରି ହିମ୍ଣାୱାକ୍ଡ଼ା ଆରି ଇଲ୍ନି ଲକୁତାଂ ବିନ୍ ୱିଜ଼ାର୍ ଲକୁରିଂ, ଆରେ, ତା ସବୁ ପସୁଙ୍ଗ୍ ଆରି କିଣାନ୍ ଦେସ୍ତ ଆର୍ଜାତି ସବୁ ସମ୍ପ୍ତି ଅଜ଼ି ତା ଟଣ୍ଡାହି ଜାକୁବ ଲାଗାୟ୍ତାଂ ବିନ୍ ଦେସ୍ତ ହାଚାନ୍ । ଇନେକିଦେଂକି ହେୱାର୍ତି ସମ୍ପ୍ତି ବେସି ମାଚିଲେ ହେୱାର୍ ରବେ ବାହା କିଦେଂ ଆଡ୍ୱାତାର୍, ଆରେ, ହେୱାର୍ତି ପସୁଙ୍ଗ୍ କାଜିଂ ହେ ବାହାକିତି ବାହାତ ଚାଲାୱାତାତ୍ । ଇଲାକେ ଏସାଉ ସେୟିର ମାଡ଼ିତ ବାହା କିତାନ୍; ହେ ଏସାଉନି ବିନ୍ ତର୍ ଇଦମ୍ ।
ଆରେ ସେୟିର ମାଡ଼ିନି ଇଦମିୟର୍ତି ପୁର୍ବେନିଆକର୍ ଏସାଉତି ବଁସ୍ । ଏସାଉ ହିମ୍ଣାଙ୍ଗ୍ତି ତର୍ ଇଦାଂ । ଏସାଉତି ଆଦା ତର୍ନି ଡକ୍ରି ମେହି ଇଲିପସ୍ ଆରି ବାସମତ୍ ତର୍ନି ଡକ୍ରି ମେହି ରୁୟେଲ । ଆରେ, ଇଲିପସ୍ତି ମେହି ତୈମନ୍ ଆରି ଓମାର୍ ଆରି ସପ ଆରି ଗୟିତମ୍ ଆରି କନସ୍ । ଆରେ, ଏସାଉତି ମେହି ଇଲିପସ୍ତି ତିମ୍ନା ତର୍ନି ର ହାରୁଡକ୍ରି ମାଚାତ୍: ହେଦେଲ୍ ଇଲିପସ୍ନି ଅମାଲେକ୍ ଗାଟାତାତ୍; ଇୱାର୍ ଏସାଉତି ଡକ୍ରି ଆଦାତି ହିମ୍ଣାଙ୍ଗ୍ । ରୁୟେଲତି ମେହି ନହତ୍ ଆରି ସେରହ ଆରି ସମ୍ମ ଆରି ମିସା, ଇୱାର୍ ଏସାଉତି ଡକ୍ରି ବାସମତ୍ତି ହିମ୍ଣାଙ୍ଗ୍ । ଆରେ, ସିବିୟନ୍ ର ନାତିଣି ଅନାର ଗାଡ଼ହି ଜେ ଅହଲିବାମା, ଏସାଉତି ଡକ୍ରି ମାଚାତ୍, ତା ମେହି ଜିୟୁସ୍ ଆରି ଜଲମ୍ ଆରି କରହ ।
ଏସାଉତି ହିମ୍ଣାଙ୍ଗ୍ ରାଜାଇଞ୍ଜି । ଏସାଉତି ପାଣ୍ୱା ମାଜ଼ି ଜେ ଇଲିପସ୍, ତା ମେହି ରାଜା ତୈମନ୍ ଆରି ରାଜା ଓମାର୍ ଆରି ରାଜା ସପ ଆରି ରାଜା କନସ୍ ଆରି ରାଜା କରହ ଆରି ରାଜା ଗୟିତମ୍ ଆରି ରାଜା ଅମାଲେକ୍; ଇଦମ୍ ଦେସ୍ତ ଇଲିପସ୍ ବଁସ୍ନିକାର୍ ଇ ରାଜାର୍ ଆଦାତି ମେହିର୍ ମାଚାର୍ ।
ଏସାଉତି ମେହି ରୁୟେଲତି ମେହିର୍ ରାଜା ନହତ୍ ଆରି ରାଜା ସେରହ ଆରି ରାଜା ସମ୍ମ ଆରି ରାଜା ମିସା; ଇଦମ୍ ଦେସ୍ତ ରୁୟେଲ ଲାତ୍ରାନିକାର୍ ଇ ରାଜାର୍ ଏସାଉତି ଡକ୍ରି ବାସମତ୍ନି ମେହିର୍ ମାଚାର୍ । ଆରେ, ଏସାଉତି ଡକ୍ରି ଅହଲିବାମାତି ମେହିର୍ ରାଜା ଜିୟୁସ୍ ଆରି ରାଜା ଜଲମ୍ ଆରି ରାଜା କରହ; ଅନାର ଗାଡ଼ହି ଜେ ଅହଲିବାମା, ଏସାଉତି ଡକ୍ରି ମାଚାତ୍, ଇୱାର୍ ତା ମେହିର୍ । ଇୱାର୍ ଏସାଉତି, ଇଚିସ୍, ଇଦମ୍ତି ହିମ୍ଣାଙ୍ଗ୍ ଆରି ଇୱାର୍ ହେୱାର୍ତି ଲାତ୍ରା ।
ସେୟିରତି ବଁସ୍ନିକାର୍
(୧ ବଂସାବଲି ୧:୩୮-୪୨)
ଆଗେକାଡ଼୍ଦ ହେ ଦେସ୍ନିକାର୍ ହରିୟ ସେୟିରନି ହିମ୍ଣାଙ୍ଗ୍ ଲଟନ୍ ଆରି ସବଲ୍ ଆରି ସିବିୟନ୍ ଆରି ଅନା ଆରି ଦିସନ୍ ଆରି ଏସ୍ତର୍ ଆରି ଦିସନ୍; ସେୟିରନି ଇ ମାଜ଼ିର୍ ଇଦମ୍ ଦେସ୍ନି ହରିୟ ଲାତ୍ରାନି ରାଜା ମାଚାନ୍ ।
ଲଟନ୍ତି ମାଜ଼ି ହରି ଆରି ହେମମ୍, ଆରେ, ଲଟନ୍ତି ତିମ୍ନା ତର୍ନି ତଣ୍ଦେଲ୍ ମାଚାତ୍ ।
ଆରେ, ସବଲ୍ନି ମାଜ଼ି ଅବଲନ୍ ଆରି ମାନହତ୍ ଆରି ଏବଲ୍ ଆରି ସପ ଆରି ଓନମ୍ ।
ଆରେ, ସିବିୟନ୍ତି ମେହି ଅୟା ଆରି ଅନା; ଇ ଅନା ତା ଲାତ୍ରାହି ସିବିୟନ୍ତି ଗଦ ହାରାୟ୍କିନି ୱେଡ଼ାଲିଂ ବାଟାତ କେତ୍ତି ଏସ୍ନି ଜାରାଣ୍ ଡେକ୍ଚି ହପ୍ତାନ୍ । ହେ ଅନାତି ମାଜ଼ି ଦିସନ୍ ଆରି ଗାଡ଼୍ହି ଅହଲିବାମା । ଆରେ, ଦିସନତି ମାଜ଼ି ହିମ୍ଦନ୍ ଆରି ଇସବନ୍ ଆରି ଜିତ୍ରନ୍ ଆରି କରାନ୍ । ଏସ୍ତର୍ତି ମାଜ଼ି ବିଲହନ୍ ଆରି ସାବନ୍ ଆରି ଜାକନ୍ । ଆରେ, ଦିସନ୍ତି ମାଜ଼ି ଉସ୍ ଆରି ଅରାନ୍ । ହରିୟ ବଁସ୍ନିକାନ୍ ରାଜା ଇଦାଂ; ରାଜା ଲଟନ୍ ଆରି ରାଜା ସବଲ୍ ଆରି ରାଜା ସିବିୟନ୍ ଆରି ରାଜା ଅନା ଆରି ରାଜା ଦିସନ୍ ଆରି ରାଜା ଏସ୍ତର୍ ଆରି ରାଜା ଦିସନ୍ । ଇୱାର୍ ସେୟିର୍ତି ଦେସ୍ନି ହରିୟ ଲାତ୍ରାନି ରାଜାର୍ ମାଚାର୍ ।
ଇଦମନି ରାଜାର୍
(୧ ବଂସାବଲି ୧:୪୩-୫୪)
ଆରେ, ଇସ୍ରାଏଲ୍ଲିୟର୍ ହିମ୍ଣାଙ୍ଗ୍ ଜପି ଇମ୍ଣାକାପା ରାଜା ରାଜି କିନି ଆଗେ ଇ ରାଜାର୍ ଇଦମ୍ ଦେସ୍ତ ରାଜ୍ କିତାର୍ । ବିୟରନି ବେଲା ତର୍ନି ମାଜ଼ି ଇଦମ୍ ଦେସ୍ତ ରାଜ୍ କିତାନ୍, ତା ରାଜା ଗାଡ଼୍ନି ତର୍ ଦିନ୍-ହାବା । ବେଲାତି ହାକି ପାଚେ, ତା ପାଦ୍ତ ବସ୍ରା ନିକାନ୍ ସେରହତି ମାଜ଼ି ଜବବ୍ ରାଜ୍ କିତାନ୍ । ଆରେ, ଜବବ୍ତି ହାକି ପାଚେ ତୈମନ୍ ଦେସ୍ନି ହୁସମ୍ ତା ପାଦ୍ତ ରାଜ୍ କିତାନ୍ । ହୁସମ୍ତି ହାକି ପାଚେ, ବଦଦନି ମାଜ଼ି ଇନେନ୍ ହଦଦ୍ ମୟାବ ଜମିତ ମିଦିୟନ୍ତିଂ ଜିଣାଇ କିତାନ୍, ହେୱାନ୍ ତା ପାଦ୍ତ ରାଜ୍ କିତାନ୍; ତା ରାଜାର୍ ଗାଡ଼୍ନି ତର୍ ଅବିତ୍ । ହଦଦ୍ତି ହାତି ପାଚେ ମସ୍ରେକା ନିକାନ୍ ସମ୍ଲ ତା ପାଦ୍ତ ରାଜି କିତାନ୍ । ଆରେ, ସମ୍ଲତି ହାତି ପାଚେ ପରାତ୍ ନାଗୁଡ଼୍ନି ଲାଗାୟ୍ ରହବତ୍ ନିକାନ୍ ସଇଲ ତା ପାଦ୍ତ ରାଜି କିତାନ୍ । ସଇଲତି ହାତି ପାଚେ, ଅକ୍ବରତି ମାଜ଼ି ବାଲ୍ହାନନ୍ ତା ପାଦ୍ତ ରାଜ୍ କିତାନ୍ । ଆରେ, ଅକ୍ବରତି ମାଜ଼ି ବାଲ୍ହାନନ୍ତି ହାତି ପାଚେ, ହଦର ତା ପାଦ୍ତ ରାଜ୍ କିତାନ୍; ତା ରାଜାର୍ ଗାଡ଼୍ନି ତର୍ ପାଉ ଆରି ତା ଡକ୍ରିତି ତର୍ ମହେଟବେଲ ମାଚାତ୍; ହେୱାନ୍ ମଟ୍ରେଦତି ନାତିଣି ଆରି ମେସାହବତି ପୁତି । ଏସାଉତାଂ ଉପ୍ଜାତି, ଆରେ, କୁଟୁମ୍ ଆରି ବାହା ଗୁର୍ଣ୍ଣାଇସାବ୍ରେ ଇମ୍ଣି ଇମ୍ଣି ରାଜା ମାଚାର୍, ହେୱାର୍ତି ତର୍କୁ; ଇନେସ୍, ରାଜା ତିମ୍ନା ଆରି ରାଜା ଅଲ୍ବା ଆରି ରାଜା ଜିତେତ୍ । ଆରି ରାଜା ଅହଲିବାମା ଆରି ରାଜା ଏଲା ଆରି ରାଜା ପିନନ୍ ଆରି ରାଜା କନସ୍ ଆରି ରାଜା ତୈମନ୍ ଆରି ରାଜା ମିବ୍ସର୍ ଆରି ରାଜା ମଗ୍ଦିୟେଲ ଆରି ରାଜା ଇରମ୍; ଇୱାର୍ ଜାର୍ ଜାର୍ ଆଦିକାର୍ନି ଦେସ୍ତ କୁଚ୍ଚି ବାହା ଇସାବ୍ରେ ଇଦମତ ରାଜାର୍ ମାଚାର୍ । ଇଦମିୟର୍ତି ଆକ ଏସାଉତି ପୁରାଣ୍ ୱିସ୍ତାତ୍ ।
Pengo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.