Biblica® Open Punjabi Contemporary Version 2025
ਉਤਪਤ 36
ਏਸਾਓ ਦੇ ਉੱਤਰਾਧਿਕਾਰੀ
ਇਹ ਏਸਾਓ (ਅਰਥਾਤ ਅਦੋਮ) ਦੀ ਵੰਸ਼ਾਵਲੀ ਹੈ।
ਏਸਾਓ ਨੇ ਕਨਾਨ ਦੀਆਂ ਔਰਤਾਂ ਵਿੱਚੋਂ ਆਪਣੀਆਂ ਪਤਨੀਆਂ ਵਿਆਹ ਲਿਆਇਆ ਜਿਹਨਾਂ ਵਿੱਚੋਂ ਏਲੋਨ ਹਿੱਤੀ ਦੀ ਧੀ ਆਦਾਹ ਅਤੇ ਅਨਾਹ ਦੀ ਧੀ ਆਹਾਲੀਬਾਮਾਹ ਅਤੇ ਸਿਬਓਨ ਹਿੱਵੀ ਦੀ ਪੋਤੀ, ਇਸਮਾਏਲ ਦੀ ਧੀ ਬਾਸਮਥ ਅਤੇ ਨਬਾਯੋਥ ਦੀ ਭੈਣ ਵੀ।
ਆਦਾਹ ਨੇ ਏਸਾਓ ਲਈ ਅਲੀਫਾਜ਼ ਨੂੰ ਜਨਮ ਦਿੱਤਾ, ਬਾਸਮਥ ਨੇ ਰਊਏਲ ਨੂੰ ਜਨਮ ਦਿੱਤਾ, ਅਤੇ ਆਹਾਲੀਬਾਮਾਹ ਨੇ ਯਊਸ਼, ਜਾਲਾਮ ਅਤੇ ਕੋਰਹ ਨੂੰ ਜਨਮ ਦਿੱਤਾ। ਇਹ ਏਸਾਓ ਦੇ ਪੁੱਤਰ ਸਨ, ਜੋ ਉਸਦੇ ਘਰ ਕਨਾਨ ਵਿੱਚ ਪੈਦਾ ਹੋਏ ਸਨ।
ਏਸਾਓ ਆਪਣੀਆਂ ਪਤਨੀਆਂ, ਪੁੱਤਰਾਂ, ਧੀਆਂ ਅਤੇ ਆਪਣੇ ਘਰ ਦੇ ਸਾਰੇ ਜੀਆਂ ਸਮੇਤ, ਆਪਣੇ ਪਸ਼ੂਆਂ ਅਤੇ ਹੋਰ ਸਾਰੇ ਜਾਨਵਰਾਂ ਅਤੇ ਉਹ ਸਾਰਾ ਮਾਲ ਜੋ ਉਸ ਨੇ ਕਨਾਨ ਵਿੱਚ ਲਿਆ ਸੀ, ਲੈ ਕੇ ਉਸ ਤੋਂ ਕੁਝ ਦੂਰ ਇੱਕ ਦੇਸ਼ ਵਿੱਚ ਆਪਣੇ ਭਰਾਂ ਯਾਕੋਬ ਕੋਲ ਚਲਾ ਗਿਆ। ਉਹਨਾਂ ਦੀ ਜਾਇਦਾਦ ਏਨੀ ਵੱਡੀ ਸੀ ਕਿ ਉਹ ਇਕੱਠੇ ਨਹੀਂ ਰਹਿ ਸਕਦੇ ਸਨ। ਉਹ ਜ਼ਮੀਨ ਜਿੱਥੇ ਉਹ ਰਹਿ ਰਹੇ ਸਨ, ਉਹਨਾਂ ਦੇ ਪਸ਼ੂਆਂ ਦੇ ਕਾਰਨ ਦੋਵੇਂ ਇੱਕ ਜਗ੍ਹਾ ਨਹੀਂ ਰਹਿ ਸਕਦੇ ਸਨ। ਤਾਂ ਏਸਾਓ (ਅਰਥਾਤ ਅਦੋਮ) ਸੇਈਰ ਦੇ ਪਹਾੜੀ ਦੇਸ਼ ਵਿੱਚ ਵੱਸ ਗਿਆ।
ਇਹ ਏਸਾਓ ਦੀ ਵੰਸ਼ਾਵਲੀ ਹੈ, ਜਿਹੜਾ ਅਦੋਮੀਆਂ ਦਾ ਪਿਤਾ ਸੇਈਰ ਦੇ ਪਰਬਤ ਵਿੱਚ ਸੀ।
ਏਸਾਓ ਦੇ ਪੁੱਤਰਾਂ ਦੇ ਨਾਮ ਇਹ ਹਨ:
ਏਸਾਓ ਦੀ ਪਤਨੀ ਆਦਾਹ ਦਾ ਪੁੱਤਰ ਅਲੀਫਾਜ਼ ਅਤੇ ਏਸਾਓ ਦੀ ਪਤਨੀ ਬਾਸਮਥ ਦਾ ਪੁੱਤਰ ਰਊਏਲ।
ਅਲੀਫਾਜ਼ ਦੇ ਪੁੱਤਰ:
ਤੇਮਾਨ, ਓਮਾਰ, ਸਫ਼ੋ, ਗਾਤਮ ਅਤੇ ਕਨਜ਼। ਏਸਾਓ ਦੇ ਪੁੱਤਰ ਅਲੀਫਾਜ਼ ਦੀ ਵੀ ਤਿਮਨਾ ਨਾਂ ਦੀ ਇੱਕ ਰਖੇਲ ਸੀ ਜਿਸ ਤੋਂ ਉਸ ਨੂੰ ਅਮਾਲੇਕ ਜੰਮਿਆ। ਇਹ ਏਸਾਓ ਦੀ ਪਤਨੀ ਆਦਾਹ ਦੇ ਪੁੱਤਰ ਸਨ।
ਰਊਏਲ ਦੇ ਪੁੱਤਰ:
ਨਹਥ, ਜ਼ਰਹ, ਸ਼ੰਮਾਹ ਅਤੇ ਮਿਜ਼ਾਹ। ਇਹ ਏਸਾਓ ਦੀ ਪਤਨੀ ਬਾਸਮਥ ਦੇ ਪੁੱਤਰ ਸਨ।
ਏਸਾਓ ਦੀ ਪਤਨੀ ਆਹਾਲੀਬਾਮਾਹ ਦੇ ਪੁੱਤਰ ਅਨਾਹ ਦੀ ਧੀ ਅਤੇ ਸਿਬਓਨ ਦੀ ਪੋਤੀ, ਜਿਸ ਤੋਂ ਉਸ ਨੇ ਏਸਾਓ ਨੂੰ ਜਨਮ ਦਿੱਤਾ: ਯਊਸ਼, ਜਾਲਾਮ ਅਤੇ ਕੋਰਹ ਸਨ।
ਏਸਾਓ ਦੇ ਉੱਤਰਾਧਿਕਾਰੀਆਂ ਵਿੱਚੋਂ ਇਹ ਆਗੂ ਸਨ:
ਏਸਾਓ ਦੇ ਜੇਠੇ ਪੁੱਤਰ ਅਲੀਫਾਜ਼ ਦੇ ਪੁੱਤਰ:
ਤੇਮਾਨ, ਓਮਾਰ, ਸਫ਼ੋ, ਕਨਜ਼, ਕੋਰਹ, ਗਾਤਮ ਅਤੇ ਅਮਾਲੇਕ। ਇਹ ਅਦੋਮ ਵਿੱਚ ਅਲੀਫਾਜ਼ ਦੇ ਉੱਤਰਾਧਿਕਾਰੀ ਸਨ; ਉਹ ਆਦਾਹ ਦੇ ਪੁੱਤਰ ਸਨ।
ਏਸਾਓ ਦੇ ਪੁੱਤਰ ਰਊਏਲ ਦੇ ਪੁੱਤਰ:
ਸਰਦਾਰ ਨਹਥ, ਜ਼ਰਹ, ਸ਼ੰਮਾਹ ਅਤੇ ਮਿਜ਼ਾਹ। ਇਹ ਅਦੋਮ ਵਿੱਚ ਰਊਏਲ ਦੇ ਉੱਤਰਾਧਿਕਾਰੀ ਸਨ; ਉਹ ਏਸਾਓ ਦੀ ਪਤਨੀ ਬਾਸਮਥ ਦੇ ਪੋਤੇ ਸਨ।
ਏਸਾਓ ਦੀ ਪਤਨੀ ਆਹਾਲੀਬਾਮਾਹ ਦੇ ਪੁੱਤਰ:
ਸਰਦਾਰ ਯਊਸ਼, ਜਾਲਾਮ ਅਤੇ ਕੋਰਹ ਸਨ। ਇਹ ਏਸਾਓ ਦੀ ਪਤਨੀ ਅਨਾਹ ਦੀ ਧੀ ਆਹਾਲੀਬਾਮਾਹ ਦੇ ਉੱਤਰਾਧਿਕਾਰੀ ਸਨ।
ਇਹ ਏਸਾਓ (ਅਰਥਾਤ ਅਦੋਮ) ਦੇ ਪੁੱਤਰ ਸਨ ਅਤੇ ਇਹ ਉਹਨਾਂ ਦੇ ਸਰਦਾਰ ਸਨ।
ਇਹ ਸੇਈਰ ਹੋਰੀ ਦੇ ਪੁੱਤਰ ਸਨ ਜੋ ਉਸ ਇਲਾਕੇ ਵਿੱਚ ਰਹਿੰਦੇ ਸਨ:
ਲੋਤਾਨ, ਸ਼ੋਬਾਲ, ਸਿਬਓਨ, ਅਨਾਹ, ਦੀਸ਼ੋਨ, ਏਜ਼ਰ ਅਤੇ ਦੀਸ਼ਾਨ। ਅਦੋਮ ਵਿੱਚ ਸੇਈਰ ਦੇ ਇਹ ਪੁੱਤਰ ਹੋਰੀਆਂ ਦੇ ਸਰਦਾਰ ਸਨ।
ਲੋਤਾਨ ਦੇ ਪੁੱਤਰ:
ਹੋਰੀ ਅਤੇ ਹੋਮਾਮ ਅਤੇ ਤਿਮਨਾ ਲੋਤਾਨ ਦੀ ਭੈਣ ਸੀ।
ਸ਼ੋਬਾਲ ਦੇ ਪੁੱਤਰ:
ਅਲਵਾਨ, ਮਨਹਥ, ਏਬਾਲ, ਸ਼ਫੋ ਅਤੇ ਓਨਾਮ।
ਸਿਬਓਨ ਦੇ ਪੁੱਤਰ:
ਅਯਾਹ ਅਤੇ ਅਨਾਹ। (ਇਹ ਉਹੀ ਅਨਾਹ ਹੈ ਜਿਸ ਨੇ ਮਾਰੂਥਲ ਵਿੱਚ ਗਰਮ ਪਾਣੀ ਦਾ ਚਸ਼ਮਾ ਲੱਭਿਆ ਜਦੋਂ ਉਹ ਆਪਣੇ ਪਿਤਾ ਸਿਬਓਨ ਦੇ ਗਧੇ ਚਰਾ ਰਿਹਾ ਸੀ।)
ਅਨਾਹ ਦੇ ਬੱਚੇ:
ਅਨਾਹ ਦੀ ਧੀ ਦੀਸ਼ੋਨ ਅਤੇ ਆਹਾਲੀਬਾਮਾਹ।
ਦਿਸ਼ੋਂਦ ਦੇ ਪੁੱਤਰ:
ਹੇਮਦਾਨ, ਅਸ਼ਬਾਨ, ਇਥਰਾਨ ਅਤੇ ਕੇਰਨ।
ਏਜ਼ਰ ਦੇ ਪੁੱਤਰ:
ਬਿਲਹਾਨ, ਜ਼ਵਾਨ ਅਤੇ ਅਕਾਨ।
ਦੀਸ਼ਾਨ ਦੇ ਪੁੱਤਰ:
ਊਜ਼ ਅਤੇ ਅਰਾਨ।
ਹੋਰੀਆਂ ਦੇ ਸਰਦਾਰ ਇਹ ਸਨ:
ਲੋਤਾਨ, ਸ਼ੋਬਾਲ, ਸਿਬਓਨ, ਅਨਾਹ, ਦੀਸ਼ੋਨ, ਏਜ਼ਰ ਅਤੇ ਦੀਸ਼ਾਨ।
ਇਹ ਹੋਰੀਆਂ ਦੇ ਸਰਦਾਰ ਸਨ, ਉਹਨਾਂ ਦੇ ਭਾਗਾਂ ਅਨੁਸਾਰ, ਸੇਈਰ ਦੇ ਦੇਸ਼ ਵਿੱਚ ਹੋਏ।
ਅਦੋਮ ਦੇ ਸ਼ਾਸਕ
ਇਹ ਉਹ ਰਾਜੇ ਸਨ ਜਿਨ੍ਹਾਂ ਨੇ ਇਸਰਾਏਲ ਦੇ ਰਾਜਿਆਂ ਦੇ ਰਾਜ ਕਰਨ ਤੋਂ ਪਹਿਲਾਂ ਅਦੋਮ ਵਿੱਚ ਰਾਜ ਕੀਤਾ:
ਬਓਰ ਦਾ ਪੁੱਤਰ ਬੇਲਾ ਅਦੋਮ ਦਾ ਰਾਜਾ ਬਣਿਆ। ਉਸ ਦੇ ਸ਼ਹਿਰ ਦਾ ਨਾਮ ਦਿਨਬਾਹ ਸੀ।
ਜਦੋਂ ਬੇਲਾ ਦੀ ਮੌਤ ਹੋ ਗਈ ਤਾਂ ਬੋਸਰਾਹ ਤੋਂ ਜ਼ਰਹ ਦਾ ਪੁੱਤਰ ਯੋਬਾਬ ਉਸ ਤੋਂ ਬਾਅਦ ਰਾਜਾ ਬਣਿਆ।
ਜਦੋਂ ਯੋਬਾਬ ਦੀ ਮੌਤ ਹੋ ਗਈ ਤਾਂ ਤੇਮਾਨੀਆਂ ਦੇ ਦੇਸ਼ ਵਿੱਚੋਂ ਹੂਸ਼ਾਮ ਉਸ ਤੋਂ ਬਾਅਦ ਰਾਜਾ ਬਣਿਆ।
ਜਦੋਂ ਹੂਸ਼ਾਮ ਦੀ ਮੌਤ ਹੋ ਗਈ ਤਾਂ ਬੇਦਾਦ ਦਾ ਪੁੱਤਰ ਹਦਦ, ਜਿਸ ਨੇ ਮੋਆਬ ਦੇ ਦੇਸ਼ ਵਿੱਚ ਮਿਦਯਾਨੀਆਂ ਨੂੰ ਹਰਾਇਆ ਸੀ, ਉਸ ਦੇ ਬਾਅਦ ਰਾਜਾ ਬਣਿਆ। ਉਸਦੇ ਸ਼ਹਿਰ ਦਾ ਨਾਮ ਆਵੀਥ ਸੀ।
ਜਦੋਂ ਹਦਦ ਦੀ ਮੌਤ ਹੋ ਗਈ, ਤਾਂ ਮਸਰੇਕਾਹ ਦਾ ਸਮਲਾਹ ਉਸ ਤੋਂ ਬਾਅਦ ਰਾਜਾ ਬਣਿਆ।
ਜਦੋਂ ਸਮਲਾਹ ਦੀ ਮੌਤ ਹੋ ਗਈ, ਤਾਂ ਨਦੀ ਦੇ ਕੰਢੇ ਰਹੋਬੋਥ ਤੋਂ ਸ਼ਾਊਲ ਉਸ ਦੀ ਥਾਂ ਰਾਜਾ ਬਣਿਆ।
ਜਦੋਂ ਸ਼ਾਊਲ ਦੀ ਮੌਤ ਹੋ ਗਈ ਤਾਂ ਅਕਬੋਰ ਦਾ ਪੁੱਤਰ ਬਾਲ-ਹਾਨਾਨ ਉਸ ਤੋਂ ਬਾਅਦ ਰਾਜਾ ਬਣਿਆ।
ਜਦੋਂ ਅਕਬੋਰ ਦੇ ਪੁੱਤਰ ਬਾਲ-ਹਾਨਾਨ ਦੀ ਮੌਤ ਹੋ ਗਈ ਤਾਂ ਹਦਦ ਉਸ ਤੋਂ ਬਾਅਦ ਰਾਜਾ ਬਣਿਆ। ਉਸ ਦੇ ਸ਼ਹਿਰ ਦਾ ਨਾਮ ਪਾਊ ਸੀ ਅਤੇ ਉਸ ਦੀ ਪਤਨੀ ਦਾ ਨਾਮ ਮਹੇਤਾਬਏਲ ਸੀ, ਜਿਹੜੀ ਮਤਰੇਦ ਦੀ ਧੀ ਅਤੇ ਮੇਜ਼ਾਹਾਬ ਦੀ ਦੋਹਤੀ ਸੀ।
ਏਸਾਓ ਦੇ ਉੱਤਰਾਧਿਕਾਰੀਆਂ ਦੇ ਨਾਮ ਦੇ ਅਨੁਸਾਰ, ਉਹਨਾਂ ਦੇ ਗੋਤਾਂ ਅਤੇ ਖੇਤਰਾਂ ਦੇ ਅਨੁਸਾਰ ਇਹ ਸਰਦਾਰ ਸਨ:
ਤਿਮਨਾ, ਅਲਵਾਹ, ਯਥੇਥ,
ਆਹਾਲੀਬਾਮਾਹ, ਏਲਾਹ, ਪੀਨੋਨ,
ਕਨਜ਼, ਤੇਮਾਨ, ਮਿਬਜ਼ਾਰ,
ਮਗਦੀਏਲ ਅਤੇ ਇਰਾਮ।
ਇਹ ਅਦੋਮ ਦੇ ਸਰਦਾਰ ਸਨ, ਉਹਨਾਂ ਦੇ ਵੱਸ ਦੇ ਦੇਸ਼ ਵਿੱਚ ਉਹਨਾਂ ਦੇ ਵੱਸੋ ਅਨੁਸਾਰ।
ਇਹ ਅਦੋਮੀਆਂ ਦੇ ਪਿਤਾ ਏਸਾਓ ਦਾ ਪਰਿਵਾਰ ਵੰਸ਼ ਹੈ।
Biblica® Open Punjabi Contemporary Version 2025. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.