Baghlayani Bible
पजन 67
तन्यवादो रा पजन
बजाणे वाल़े परदानो रिया तँईं तारा वाल़े बाजे साथे पजन, गीत
ओ परमेशर आसा पाँदे दया करो
ओर आसा खे आशीष देओ;
तूँ आसा पाँदे आपणे मुंए रा प्रयासा चमका। सेला
ताकि पूरी दुनिया रे लोक तेरी इच्छा जाणी लो;
ओर सबी जातिया रे तेरे उद्धारो खे जाणी लो।1
ओ परमेशर, देशो-देशो रे लोक तेरी सराईणा करो;
देशो-देशो रे सब लोक तेरी सराईणा करो।
दुनिया रे राज्य-राज्य रे लोक खुशी मनाओ
ओर जयजयकार करो; कऊँकि तां दुनिया रे देशा रे लोका रा न्याय निष्पक्षता साथे करना
ओर तरतिया रे राज्य-राज्य रे लोका खे सई बाट बताणी। सेला
ओ परमेशर, दुनिया रे देशो-देशो रे लोक तेरी सराईणा करो,
दुनिया रे देशो-देशो रे सब लोक तेरी सराईणा करो।
आसा रिये जमीने खरी फसल पजाई राखी, ओर परमेशर,
जो आसा रा परमेशर ए, तिने आसा खे आशीष देई राखी।
परमेशरो आसा खे आशीष देणी
ओर तरतिया रे दूर-दूर देशो रे लोका तेसरा आदर करना।
Source notes (1)
- Footnote लूक 2:30,31, तीतुस. 2:11
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.