होशे

होशे

होशे नबीए रे जरिये लिखी री कताब

भूमिका

721 ई. पू. दे सामरिया रे नाशो ते पईले रे दु:खो रे बखतो दे, होशे नबीए नबी आमोसो ते बाद इस्राएलो रे उत्तरा रे इस्से दे प्रचार कित्तेया। से लोका रे मूर्तिपूजा दे फसणे ओर परमेशरो रे प्रति तिना रे अविश्वासो रिया बजा ते परेशान था। होशे एते अविश्वासो खे एकी वेश्या साथे आपणे बिना मतलबो रे ब्याओ रे जरीये बड़ी ईम्मत दखाई। जिंयाँ कि तेसरी लाड़ी, गोमेरे, तेस साथे विश्वासघात कित्तेया था, तिंयाँ ई परमेशरो रे लोके यहोवे खे छाडीता था। इजी बजा ते इस्राएलो पाँदे परमेशरो री सजा आऊणी। पर अन्तो दे आपणे लोका रे प्रति परमेशरो रा महान प्यार जितणा ओर तेस ये जाति फेर अपनाई लणी ओर इना साथे आपणा रिश्ता फेर मजबूत करी लणा। ये प्यार इना खास शब्दा रे जरीये बताई राखेया ए : “ओ एप्रैम, आऊँ ताखे किंयाँ छाडूं? ओ इस्राएल, आऊँ ताखे दुश्मणा रे आथो दे किंयाँ करी देऊँ? मेरा दिल तो उल्टा-पुल्टा ऊईगा, मेरा मन प्यारो रिया बजा ते पिगल़ी गा दा ए।”

रूप-रेखा

होशे रा ब्या ओर तेसरा परिवार

इस्राएलो रे खलाफ सन्देश

पछतावा ओर प्रतिज्ञा रा एक सन्देश