Baghlayani Bible
1 इतिआस 25
दाऊदो रे बाजे बजाणे वाल़े
तेबे राजा दाऊद ओर सेनापतिये आसाप, हेमान ओर यदूतूनो रे कई पाऊ मन्दरो दे सेवा करने खे लग कित्ते, ताकि सेयो परमेशरो रे संदेशो री भविष्यबाणी बीणा, सारंगी ओर खंजरी बजाई-बजाई की प्रचार करो। ओर एसा सेवकाईया रा काम करने वाल़े माणूंआ री गिणती ये थी: मतलब आसापो रे पाऊआ बीचा ते जक्कूर, यूसुफ, नतन्याह ओर अशरेला थे। आसापो रे पाऊ आसापो रे ई कईणे रे मुताबिक सेवा रा काम करो थे। आसाप आपू राजे री आज्ञा रे मुताबिक भविष्यबाणी ओर प्रचार करो था। तेबे यदूतूनो रे पाऊआ बीचा ते गदल्याह, सरी, यशायाह, शिमी, हशब्याह, मत्तित्याह, यो ई छे आपणे बाओ यदूतूनो रे कईणे रे मुताबिक काम करो थे। सेयो यहोवे रा तन्यवाद ओर स्तुति करी की भविष्यबाणिया रा प्रचार करो थे, ओर बीणा बजाओ थे। हेमानो रे पाऊआ बीचा ते, बुक्किय्याह, मत्तन्याह, उज्जीएल, शबूएल, यरीमोत, हनन्याह, हनानी, एलीआता, गिद्दलती, रोममतीएजेर, योशबकाशा, मल्लोती, होतीर ओर महजीओत;
परमेशरो रे वादे रे मुताबिक जो तेसरा नाओं बढ़ाणे री थी, यो सारे हेमानो रे पाऊ थे जो राजे रा दर्शी था; कऊँकि परमेशरे हेमानो खे चौदा पाऊ ओर तीन बेटिया दित्तिया थिया। यो सारे यहोवे रे मन्दरो दे बाजे बजाणे खे आपणे-आपणे बाओ रे वशो दे रई की, परमेशरो रे मन्दरो री सेवा रे कामो दे खंजरी, सारंगी ओर बीणा बजाओ थे। आसाप, यदूतून ओर हेमान राजे रे वशो दे रओ थे।
इना सबी री गिणती पाईया समेत जिने यहोवे रे गीत सीखे दे थे ओर सबी प्रकारा दे निपुण थे, 288 थी। तिने क्या बड़ा, क्या छोटा, क्या समजदार, क्या चेला, आपणी-आपणी बारिया खे चिट्ठी पाई। पईली चिट्ठी आसापो रे पाऊआ बीचा ते यूसुफो रे नाओं पाँदे निकल़ी, दूजी चिट्ठी गदल्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। तीजी चिट्ठी जक्कूरो रे नाओं पाँदे निकल़ी, जेसरे पाऊ ओर पाईबन्दु तेस समेत बारा थे। चौथी चिट्ठी यिस्रीए रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। पाँजी चिट्ठी नतन्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। छठी चिट्ठी बुक्किय्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। साती चिट्ठी यसरेला रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। आठी चिट्ठी यशायाह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। नऊई चिट्ठी मत्तन्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। दसी चिट्ठी शिमीए रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। ग्यारी चिट्ठी अजरेला रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। बारी चिट्ठी हशब्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। तेरी चिट्ठी शूबाएलो रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। चौदी चिट्ठी मत्तित्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। पन्द्री चिट्ठी यरेमोतो रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। सोल़ी चिट्ठी हनन्याह रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। सतारी चिट्ठी योशबकाशो रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। ठारी चिट्ठी हनानीए रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। उन्नी चिट्ठी मल्लोतीए रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। बीयूई चिट्ठी इलिय्याता रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। इक्की चिट्ठी होतीरो रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। बाई चिट्ठी गिद्दलतीए रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। तेई चिट्ठी महजीओतो रे नाओं पाँदे निकल़ी जेसरे पाऊ ओर पाईबन्दु तेस समेत बारा थे। चौबी चिट्ठी रोममतीएजेरो रे नाओं पाँदे निकल़ी जेसरे पाऊ ओर पाईबन्दु तेस समेत बारा थे।
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.