प्रकाशितवाक्य

प्रकाशितवाक्य

सेयो गल्ला जो परमेशरे यूहन्ने गे प्रगट कित्तिया

भूमिका

यूहन्ने रा प्रकाशितवाक्य एड़े बखते लिखेया था, जेबे मसीहिया खे यीशु मसीह खे प्रभु और स्वामिए रे रूपो रे विश्वास करने रिया बजअ ते सताणे लगी रे थे। एतेरे लेखको री चिन्ता री खास बजअ आपणे पढ़ने वाल़ेया रे उम्मीद, उत्साहो रा संचार करना और तिना ते ये प्रार्थना करनी थी कि सेयो एस दु:ख और सताव रे बखते विश्वासो जोगे बणे रे रओ। एते कताबा रा जादातर पाअग प्रकाशन और दर्शनो री श्रृंखला रे रूपो रे ए, जेतेखे साअरे री पाषा रे प्रस्तुत करी राखेया, जो संभवत: तेस बखतो रे मसीहिया खे समजा रे आईगी थी, पर बाकि सबी लोका खे ये रहस्य ई रया। जिंयाँ गाणेया रे एक धुन ओई, तिंयाँ ई एसा कताबा री गल्ला बार-बार कई तरीके ते लग-लग दर्शनो री श्रृंखला रे जरिए दुराई जाओई।

हालाँकि एसा कताबा री विस्तृत व्याख्या रे बारे रे मतपेद ए, तेबे बी खास विषय साफ ए: परमेशरे प्रभु यीशु मसीह रे जरिए आपणे सारे दुश्मण, जिना बीचे शैतान बी शामिल ए, सदा खे पूरी रीतिया ते अराणे और जेबे ये जीत पूरी ऊई जाणी तेबे तेस आपणे विश्वास जोगे लोक नये सर्ग और नयी तरतिया री आशीषा ते परिपूर्ण करने।

रूप-रेखा

भूमिका 1:1-8

शुरूओ रा दर्शन और सातो मण्डल़िया खे चिट्ठी 1:9-3:22

सात मुहरा रे जरिए बंद चर्मपत्र 4:1-8:1

सात तुरहिया 8:2-11:19

अजगर और दो डांगर 12:1-13:18

दूजा दर्शन 14:1-15:18

परमेशरो रे प्रकोपो रे सात कटोरे 16:1-21

बेबीलोनो रा नाश, डांगर, चूठे भविष्यबक्ता और शैतानो री आर 17:1-20:10

आखरी न्याय 20:11-15

नया सर्ग, नयी तरती और नया यरूशलेम 21:1-22:5

निचोड़ 22:6-21