1 थिस्सलुनीकियों

1 थिस्सलुनीकियों

थिस्सलुनी नगरो री विश्वासी मण्डल़िया खे प्रेरित पौलुसो री पईली चिट्ठी

भूमिका

रोमी साम्राज्य रे कई राज्य थे तिना बीचा ते मकिदुनिया एक था और थिस्सलुनीके नगर तिजी री राजधानी थी। फिलिप्प नगरो ते आऊणे ते बाद पौलुसे एती एक मण्डल़ी बणाई थी। एती बी चट ई तिना यहूदिया रे जरिए बिरोद शुरू ऊणे लगेया, जो गैर यहूदिया रे पौलुसो रे मसीह संदेशो रे प्रसारो री कामयाबिया ते जल़ो थे, कऊँकि यो गैर-यहूदी, यहूदी तर्मो रे रूची राखो थे। तेबे पौलुसो खे थिस्सलुनीके छाडणा पड़ेया और से बिरिया खे चली गा। बादो ते जेबे से कुरिन्थुस पऊँछेया, तो पौलुसो खे तेस साथे काम करने वाल़े और तीमुथियुस साथिये रे जरिए व्यक्तिगत रूपो ते थिस्सलुनीके री मण्डल़िया री स्थितिया रे बारे रे समाचार मिलेया।

ये समाचार मिलणे ते बाद थिस्सलुनीकियों रे नाओं पौलुस प्रेरितों री पईली चिट्ठी तेथो रे मसीहिया खे उत्साहित करने और तिना खे याओ देणे खे लिखी। से तिना रे विश्वास और प्यारो रे बारे रे समाचारो रिया खातर धन्यवाद देओ था। से तिना खे आपणी जिन्दगिया री याद दलाओआ जो तिने तिना साथे रंदे ऊए बिताई थी। तेबे से मसीह रा दुबारा आऊणे ते जुड़े रे सवाला रा जवाब देओआ, जो तेती मण्डल़िया रे उठे थे। सवाल ये थे-क्या एक विश्वासी जो मसीह रे दुबारा आऊणे ते पईले ई मरी जाओआ, तेसा जिन्दगिया रा इस्सेदार ऊणा, जो तेसरे आऊणे ते मिलणे वाल़ा ए? मसीह रा दुबारा आऊणा कदी ऊणा? पौलुस एते मौके पाँदे तिना खे ये बताओआ कि तेसा स्थितिया रे जेबे तुसे मसीह रा दुबारा आऊणे री उम्मीदा साथे इन्तजार करोए, चुपचाप आपणे कामो रे लगे रे रओ।

रूप-रेखा

भूमिका 1:1

धन्यवाद और स्तुति 1:2-3:13

मसीही चाल-चलणो ते जुड़े रे सवाल 4:1-12

मसीह रा दुबारा आऊणे रे बारे रे शिक्षा 4:13-5:11

आखरी उपदेश 5:12-22

निचोड़ 5:23-28