सपन्याह

सपन्याह

सपन्याह गूरै लिखी दी कताब

भेत

लिखणैं आल़अ: सपन्याह

सन: 640 का 607 ईसा आजी

यहूदा मुल्खे परज़ा सोठअ इहअ कि आजू एछणअ तिन्‍नां लै इहअ बगत ज़ेभै बिधाता तिंयां बलबान बणाणैं अर तिन्‍नें दुशमणो करनअ नाअं नशाण ई खतम। ज़ेभै सह बगत एछणअ सह हणअ नसाफ, ज़ीत अर खुशी मनाऊंणेओ बगत, तेता लै बोला, “प्रभूए धैल़ी।”

पर सपन्याह खोज़ा लोगा का इहअ कि सह प्रभूए धैल़ी कधू एछणी अर बिधाता दैणीं तिन्‍नां सोभी लै सज़ा ज़ुंणीं तेही ज़िन्दगी नांईं ज़िऊई ज़ेही बिधाता च़ाहा। सह सज़ा भेटणीं यहूदी मुल्खे परज़ा संघी सोभी देशा लै। ज़ै यहूदा मुल्ख बिधाते कोप अर सज़ा का बच़णअ च़ाहा, तै करा ज़िहअ बिधाता बोला तिहअ अर सिधी बिधाते पूज़ा अर च़ाकरी:

“ज़ै तम्हैं तत्त दिला का तेही ज़िन्दगी ज़िऊए ज़िहअ बिधाता च़ाहा, तै एछा! संघा टेक्‍का बिधाता सेटा माथअ। ज़ै तम्हैं भलअ करे अर मानदार रही ज़िन्दगी ज़िऊए, तै झ़ाणीं बिधाता तम्हां तैहा धैल़ी बच़ाऊई डाहे ज़ेभै संसारा लै तेऊ आपणअ रोश्श तरैल़ी दैणअ।”

(2:3)

कताबे बांड

यहूदा अर एरुशलेम नगरीए परज़ा लै सज़ा 1:1-18

बिधाता बाखा फिरा 2:1-3

संसारे सोभी देशा लै सज़ा 2:4-15

यहूदा अर होर देश फिरनैं बिधाता बाखा 3:1-20