दानिएल

दानिएल

दानिएल गूरै खोज़ी दी गल्‍ला ज़ुंण आजू निभणी

भेत

लिखणैं आल़अ: दानिएल

सन: 605 का 530 ईसा आजी

दानिएल ज़धू ज़ुआन आसा त, सह निंयं बाबेल देशे सैना यहूदा मुल्खे सैणैं अर कार-करिंदै संघै कैद करी बाबेल देशा लै अर एरुशलेम नगरी हेरअ त बाबेल देशे राज़ै कबज़अ करी। ऐहा कताबे पैहलै छ़ह धैऊआ दी खोज़ा दानिएल कि सह अर तेऊए होर साथी बणैं बाबेल देशे राज़ दरबारै खास अफसर। पर तिंयां रहै खास्सै खातरै जैंदरी तोही बिधाता लै पठी शुचै-पाक्‍कै।

आगलै साता का बारा धैऊआ दी खोज़ा दानिएल गूर आपणैं कई धैनै-सुपने बारै ज़ुंण तेऊ बिधाता बाखा स्वर्ग दूता बाती बाबेल देशै हुऐ।

ऐहा कताबा दी लागा हाम्हां का थोघ कि मणछे हर गल्‍ला आसा परमेशरे बशै। सह दैआ बडअ राज़ हणैं अर बादा का दैआ सह तेऊ राज़ा प्रैंदै कहा होरीओ राज़ हणैं। ज़ुंण मणछ बिधाता लै शुचअ-पाक्‍कअ रहा, सह डाहा तेऊओ बी धैन-खैल। खिरी करा सह संसारो नसाफ संघा दैआ आपणीं शुची-पाक्‍की परज़ा लै ज़ीत। दानिएल खोज़ा इधी इहअ कि खिरी बिधाता तिन्‍नां लै केही ज़ीत दैणीं:

“मंऐं भाल़अ राची एऊ सुपनै दी इहअ सरगा का आसा बादल़ा संघै कुंण मणछा ज़िहअ मुंह बाखा एछदअ लागअ द। सह डेऊअ तेऊ सेटा ज़ुंण सदा ज़िऊंदअ आसा अर लोगै किअ सह परमेशरा सेटा खल़अ। परमेशरै किअ तेऊओ अदर अर तेऊ दैनअ तेऊ मणछा लै राज़ करनैओ हक, सोभी देशै अर सोभी बोली-भाषा बोल़णैं आल़ै हुऐ तेऊए च़ाकरी करना लै सैहमत। सह हणअ सदा लै राज़अ अर तेऊओ राज़ निं कोह खतम करी सकदअ।”

(7:13,14)

कताबे बांड

दानिएलै खोज़अ महान करारे सुपनैओ फल 1:1—2:49

शदराक, मेशक, अबेदनागू बच़ाऊऐ आगी जैंदरा का 3:1-30

नबूकदनेसर राज़ैओ सुपनअ 4:1-37

बनाश हणें बारै गल्‍ला 5:1-31

सिहे जुहल़ी दी दानिएल 6:1-28

च़ऊ पशूओ सुपनअ 7:1-28

गाभ, बाकरै अर होछ़ै शींगो सुपनअ 8:1-27

दानिएल गूरे बिधाता सेटा अरज़ 9:1-27

खिरीओ घोर जुध 10:1—12:13