आमोस

आमोस

आमोस नाओंए फुआला का बिधातो समाद

भेत

लिखणैं आल़अ: आमोस

सन: 760 का 750 ईसा आजी

आमोस नांईं त गूर आथी अर नां तेऊ ईंयां गल्‍ला शिखल़ी दी आथी ती। पर ज़ांऊं तेऊ का बिधाता उतरा बाखा बस्सै दै इज़राईली लै समाद दैनअ, आमोसै छ़ाडअ यहूदा मुल्खै तकोआ नगरी आपणअ घअर-गराअं संघा डेऊअ इज़राईल देशै पूज़ा-गाज़ा लै मशूर बेतेल नगरी बिधाते समादा खोज़दअ।

ऐहा कताबा दी खोज़ा सोभी का आजी आमोस फेर-फिरदै देशो दोश अर तेखअ खोज़ा सह इज़राईली मणछो दोश खासकर तिंयां ज़ुंण सेठ अर मज़ै-रज्ज़ै दी रहा तै। तिंयां तै बलबान अर तेता करै लुटा तै तिंयां रैनै-गरीबा संघा डाहा तै तिन्‍नां गलाम बणाईं। होर ता होर तिंयां करा तै बिधाता छ़ाडी होरी देअए पूज़ा-गाज़ा, पर तज़ी बी समझ़ा तै तिंयां इहअ कि बिधाता तिन्‍नें फाज़त करे। पर आमोसै दैनी तिन्‍नां लै चतैनगी कि बिधाता करनी तिन्‍नें बूरी दशा। आमोसै बोलअ तिन्‍नां लै इहअ:

“बूरअ करनै का करा नफरत अर भलाई करना लै झ़ूरा। लोगो करा धर्म अर मानदारी दी रही नसाफ। तै झ़ाणीं परमेशर बिधाता ज़हा का सारअ बल आसा, सह तिन्‍नां लै झींण करी हेरे ज़ुंण एऊ देशै अज़ी बी ज़िऊंदै आसा बच़ै दै।”

(5:15)

कताबे बांड

देशै ज़ुल्म करनै आल़ै भेटणीं सज़ा 1:1—3:2

इज़राईल देश अर राज़धानी सामरी नगरीओ हणअ बनाश 3:3—6:14

इज़राईले सज़ा लै पांज़ सुपनै 7:1—9:10

इज़राईलो हणअ आजू भलअ 9:11-15