2 पतरास

2 पतरास

पतरासै लिखी दी दुजी च़िठी

भेत

लिखणैं आल़अ: पतरास

पहल़णैं आल़ै: एशिया मुल्खै उतर दिशा बाखा रहणैं आल़ै विश्वासी

सन: 66-67

पतरासे दुजी च़िठी लिखी ती सोभी ज़ैगा छिंघूऐ दै शुरूआती मसीही विश्वासी समाज़े नाओंऐं। ऐहा च़िठीए खास फिकर करने गल्‍ल आसा झ़ुठै शिक्षा दैणैं आल़ेए काम अर तिन्‍नें शिक्षा का पैईदा हुई बूराईए खलाफ मकाबलअ करनअ। ईंयां ज़ुंण खरी आसा एतो ज़बाब भेटा परमेशर अर प्रभू ईशू मसीहे शुचै ज्ञैना दी पाक्‍कै रही करै। सह ज्ञैन ज़ुंण तिन्‍नां मणछा करै पजैल़अ ज़ुंणी प्रभू ईशू मसीहा आपणीं आछी भाल़अ अर तेऊए शिक्षा शूणीं दी आसा। लिखणैं आल़ै आसा खासकर तिन्‍नें शिक्षो हैल़अ ज़ुंण इहअ दाऊअ पेश करा कि मसीहा निं भिई फिरी एछणअ। लिखणैं आल़अ बोला इहअ कि इहअ ज़ाण्हिंआं कि मसीहा एछणा लै आसा बल़ैग, पर असली दी आसा इहअ एते तैणीं कि परमेशर निं च़ाहंदअ कोई बी बरैबाद होए, पर “सोभी लोल़ी पापो प्राश्त करनैओ मोक्‍कअ भेटअ।”

पतरास खोज़ा पहल़णैं आल़ै लै कि ऐहा गल्‍ला निं कधि बिस्सरी कि प्रभू एछणअ पाक्‍कै दी फिरी, च़ाऐ लोग किछ़ बी बोले तेतो निं किछ़ै फरक पल़दअ:

“मेरै पैरै साथीओ, ऐहा गल्‍ला निं कधि बिस्सरी कि परमेशरे एक धैल़ी हआ हज़ार साला ज़ेही अर हज़ार साला हआ एकी धैल़ी ज़ेही। तेऊ लै आसा एक धैल़ी अर हज़ार साला दुहै एक बराबर। कई लोग सोठा इहअ कि प्रभू आसा आपणीं फिरी एछणें करारा पूरी करना लै बल़ैग पांदअ लागअ द। पर प्रभू निं एऊ साबै बल़ैग करदअ आथी लागअ द। तेऊ आसा तम्हां लै सबर डाहअ द। किल्हैकि सह निं कोही बरैबाद करनअ च़ाहंदअ। पर सह च़ाहा इहअ कि हरेक मणछ आपणैं पापो प्राश्त करे अर परमेशरा सेटा फिरी एछे।”

(3:8,9)

कताबे बांड

भेत 1:1,2

मसीही निऊंद्रअ 1:3-21

झ़ुठै गूरू 2:1-22

मसीहो फिरी एछणअ 3:1-18