ማርቆሳ 12

ዎይነ ቱኪ ኦችዙን አዝዘ

(ማቶ. 21:33-46፤ ሉቃ. 20:9-19)

1የሱሳ ኡንትስ አዝዘራ ያጋእ ኦህዳ፤ «ፈቲ አ ዎይነ አታክልተ ቱኪ፥ ጋጽቶ ዉቱ ጋሰ ጋስዳ። ማህ የ ዎይንዛ ጭጭዘ ኦላን ቦክዳ። ኤዛ ካፎደስ ጳርጎ ሻኮ ሻክዳ። ይንፓ ሱባ፥ ኮ ኦችዘ አሱንስ እንግ፥ መለ ሳአ ቅትዳ።1 2ዎይነ ኣፍታ ዲሊ ማጽዘ ዎደ የልን፥ ፋና የልዛኖ ኤኪ የኦደ ጋር፥ ፈቲ ፋ አርዛ ኮ አዱንጎ ኪትዳ። 3ኮ ኤክደ አሱን ኤ አርዛ አይኪ Ꮉ፥ Ꮉሪ ኩሸ ዳክዳ። 4ላምእን መለ አሮ ኡንታጎ ኪትን፥ ኡን የ አርዘስ ኦምቶ ሹቻራ ቃዉጺ ካዉሽዚ ዳክዳ። 5ዎይነ አታክልተ ላይ ማህን መለ አሮ ኪትዳ። የ አርዛ ዎዳ፥ ማህ መለ ጋሙንና ይኒ ጋራ የይዝዳ፥ ፈታ ፈታ Ꮉ፥ መሉንና ዎዳ።

6«ዎይነ አታክልተ ላስ ኪቶደስ ኡባፓ ላስተ ኤ ጋማ ካዽዘ ፋ ናአያ ዳኮዳና ጻላላ አትዳ። ኤ፥ ‹ኡን ታ ናአያ ቦንችካይዛራ አሻማ› ጋእ፥ ፋ ናአያ ኡንታጎ ኪትዳ።

7«የዝን ኮ አዱን ፋ ግዳ፥ ‹ላቶዳይ Ꮉያ፤ የተ ኤዛ ዎላ ዎዳ፤ ኤ ላትታ ኑስ ማቃዳ!› ያጋይዳ። 8ናአያ አይኪ ዎ፥ ኤ አህቶ ዎይነ አታክልተ ግዳፓ ጋጻ ኬሲ ኦልዳ።

9«ይኬ፥ ዎይነ አታክልተ ላይ ዋይሳደ? ይእ የን ኮ አዱንና ዎ Ꮉሲ፥ ዎይነ ኮ ኦችዘ መለ አስስ እንጎዳ።

10-11« ‹ኬጽዙን ለቂ እጽደ ሹችዘ

ኬት ማይዘንቶ ጻልዘ፥

ኡባፓ አዘ ምን ሹች ማቅዳ።

Ꮉኖ ላ ኦችደባዝ፤

ማህ ኑ አፍትስን ጋማ ቆፍዘ ባዝ

ያጋዛኖ ጌሽ ማጻፈፓ ናባብካ?› » ያጋይዳ።2

12ካህኑን Ꮉላቁን፥ ህገ አስታማሩንን ጭሙን የሱሳ ይና አዝዝቶ ኡንታላ አፋ ኦህዳኖ ኤርደ ግሾ ኤዛ አይኮደስ ኮይዳ፥ የዝን አሱንስ ዣሽቲ፥ አሺ ቅትዳ።

ጊራ ጊርዘ ባዝስ ሺቅደ ኦጨ

(ማቶ. 22:15-22፤ ሉቃ. 20:20-26)

13ማህ ይና ኦህትፓ ባላ ደንግ፥ ኤዛ አይኮደ ጋር፥ ፋርሳዉንፓ ሄሮድሳ ባጉንፓ ኤራ አሱንና ኤጎ ኪትዳ። 14ኡንቲ ኤጎ ይእ፥ «አስታማርዛዮ፥ ኔኒ ቱርባዝ ኦህንትዛኖ አሳፓ አስ ሻኮሳኖ ኑኒ ኤራነ። ኔኒ አስ ሻኮስ፤ ማህ ጾዘ ኦግቶ ቱረትራ ታማርሳነ። ኑኒ ሮመ ጋደ ካት ቄሳረስ ጊራ ጊርዛና ልከን ልከ ባ? ጊራ ጊሮነነ አሾነ?» ያጋይዳ።

15የዝን ኡን ጩቦትቶ የሱሳ ኤሪ፥ «ታና አኮስ ፋታነ? አነ ፈቲ ሳንትመ ታና ቤዞተ» ያጋይዳ። 16ኡንቲ ኤስ ክእዳ፥ «Ꮉና ብሽታን ሱንታ ኦደሶ?» ያጋእ ኡንታና ኦጭዳ።

ኡንቲ፥ «ቄሳረስ3» ያጋይዳ።

17የሱሳ ማህ፥ «ዬዛኮ፥ ቄሳረስቶ ቄሳረስ፥ ጾዘስቶ ጾዝስ እንጎተ» ያጋእን ኡን ኤ ባዝ ጋማ ቆፕዳ።

Ꮉይቆፓ ደንደባዝ

(ማቶ. 22:23-33፤ ሉቃ. 20:27-40)

18Ꮉይቂደ አስ ደንዶስ ጋዘ ሳዱቃዉንፓ ፈቲ ፈቲ አሱን የሱሳጎ ይእ፥ Ꮉንጋራ ያጋእ፥ ኤዛ ኦጭዳ።4 19«አስታማርዛዮ፥ ሙሴ ኑስ ህገ ጻፍተራ፥ ‹ማቾ ኤክደ አስ ናአ የልካይዛራ Ꮉይቂኮ፥ የ Ꮉይቂደ እሸ ኤ ማችቶ ኤኪ፥ ፋ እሸስ ናአ የሎደስ ቤዛነ› ያጋዛኖ ጻፍዳ።5 20ዛጋ ዎደ ላፑን እሹን የዙንፓ አንግሰ ማቾ ኤኪ፥ ናአ የልካይዛራ Ꮉይቂዳ። 21ላምአንዘ እዞ ኤክዳ፥ ኤዝን ናአ የልካይዛራ Ꮉይቂዳ። Ꮉይንዘ ይኒ ጋር ይእዳ። 22ላፑኑንን ይኒ ጋራ እዞ ኤኪ፥ ናአ የልካይዛራ Ꮉይቂዳ። ኡባፓ ሱባ፥ ማህ ይና ማችታ Ꮉይቂዳ። 23ዬዝን፥ ላፑኑን ሙሎ እዞ ኤክደ ግሾ Ꮉይቂደ አሱን Ꮉይቆፓ ደንድደ ዎደ፥ እዛ ኡንታፓ አየስ ማቾ ማቃደ?» ያጋይዳ።

24የሱሳ ማህ፥ «ይንቲ ባልንትዛና፥ ጌሽ ማጻፍቶ ዎይ ጾዘ ዎልቃ ኤርካይዘ ግሾ! 25Ꮉይቂደ አሱን Ꮉይቆፓ ደንድደ ዎደ፥ ሳሎ የዘ ኪታንቾ ማቃነፕ አትን ራን ኤኮስ፤ ማቻን ገሎስ። 26የዝን Ꮉይቂዱን ደንደባዝ ማቅኮ፥ ሙሴ ማጻፍተ ጻፍንትደ ኤጽዘ Ꮉቡርቱትባዝ ኦህዘ በስተ፥ ጾዚ ሙሴጎ፥ ‹ታኒ፥ አብራሃማ ጾዚ፥ ይሳቃ ጾዚ፥ ያይቆባ ጾዚ› ጋይዳኖ ናባብካተ?6 27ይኒ ግሾ፥ ኤ፥ ሸምፖራ የዙን ጾዛፕ አትን Ꮉይቂዱን ጾዚ ባያ። ይን ጋማ ባልዳ» ያጋይዳ።

ኡባፓ አዘ ኪታ

(ማቶ. 22:34-40፤ ሉቃ. 10:25-28)

28ህገ አስታማሩንፓ ፈተ ኡን ላልዛኖ ሺቂ ስእዳ። ማህ የሱሳ ኡንትስ ሎይ ማህዳኖ ስእ፥ «ኪታ ኡባፓ አዘ ኪታ አኖ?» ያጋእ የሱሳ ኦጭዳ።7

29የሱሳ ማህ፥ ኤጎ Ꮉንጋራ ያጋይዳ፦ «ኪታ ኡባፓ አዘ ኪታ ስኦተ፤ ‹እስራኤለ አሱን፥ ላ ኑ ጾዘ ፈቲ ላ።8 30ነ ላ ነ ጾዛ ነ ኩሙ ዎዝናፓ፥ ነ ኩሙ ሸምፖፓ፥ ነ ኩሙ ቆፋፓ፥ ነ ኩሙ ዎልቃፓ ካ› ያጋይዳ። 31ማህ ኪታ ኡባፓ አዘ ላምእን ኪትዘ፤ ‹አስ ኡባ ነ ኦምት ጋር ካ› ያጋዛኖ፤ Ꮉንሳፓ አዘ መለ ኪታ ባያ» ያጋይዳ።9

32ህገ አስታማርዘ የሱሳጎ፥ «አስታማርዛዮ፥ ቱሮ ጋይዳ፤ ኔኒ ‹ጾዚ ፈቲ ጾዚ ጻላላ። ኤፓ መለ ባያ› ጋይዳና ቱሮ።10 33ጾዛ ኩሙ ዎዝናፓ፥ ኩሙ ቆፋፓ ኩሙ ዎልቃፓ ካዛኖን ማህ አስ ኡባ ፋ ኦምት ጋር ካዛና፥ ምችዘ ዣርሾፓን መለ ዣርሾ ኡባፓ አነ» ያጋይዳ።11

34የሱሳ ህገ አስታማርዘ ማህዳና አዘ ኤራ አስ ማሄ ማቅዳኖ ብእ፥ «ኔኒ ጾዘ ካእቱሞፓ Ꮉክካያ» ያጋይዳ፤ ይንፓ ሱባ፥ የሱሳ መለባዝ ኦጮደስ ኦደን ሚንግካያ።12

ክርስቶሳ ኦደ ናአ

(ማቶ. 22:41-46፤ ሉቃ. 20:41-46)

35የሱሳ ጾዘ ኬ ታማርስተ፥ Ꮉንጋራ ያጋይዳ፦ «ህገ አስታማሩን ክርስቶሳ ‹ዋይዝ ዳዉተ ናአ ጋኤ?› 36ዳዉተ ጌሽ አያናራ ካሊ፥

« ‹ላ፥ ታ ላያ፥ «ታኒ ነ ሞርኩንና

ነ ቶህታ የዘ በሲ ማሆደ ዎንስ፥

Ꮉነ ታፓ ምዛቅ ዛላ በቶ» ጋይዳ› ያጋይዳ።13

37ዳዉተ ፋ ኦምተ ክርስቶሳ፥ ‹ላ› ጋእ ጼግኮ፥ ዬዝን፥ ክርስቶሳ ዋይዝ፥ ዳዉተ ናአ ማቀ» ያጋይዳ።

ጋማ አሱን የሱሳ ጋዛኖ ኡፋይት ስእዳ።

የሱሳ ህገ አስታማሩንናን ፋርሳዉንና ለቅዳ

(ማቶ. 23:1-36፤ ሉቃ. 20:45-47)

38የሱሳ ታማርስተራ፥ Ꮉንጋራ ያጋይዳ፦ «ህገ አስታማሩንፓ ናግንቶተ፤ ኡን ጳርጎ ማኦ ማእ ዉትዛኖን ጋበን አስ ኡንታና ቦንቺ ሳሮዛኖ ኮያነ። 39ኡንቲ አይሁደ ዎሳ ኬ ጋማ ሎኦ ኦይዳ ኮያነ፤ ማህ አስ ፋና ሞክዘ በሳ ቦንቾ በሲ ኮያነ። 40ኡን ቡዳን ኬ ቦንቂ፥ ፋና ቤሳደስ ጳርግዚ ዎሳነ፤ ኡን ኡባፓ አዘ ፍርዳ ኤኮዳ» ያጋይዳ።

ቡዳንት ሙጻተ

(ሉቃ. 21:1-4)

41የሱሳ ጾዘ ኬ ሙጻተ ኦልዘ ሳጥነ ካለ በቲ፥ አሱን ፋ ብርቶ ይና ሳጥንተ ኦልዛኖ ብእዳ፤ ጋማ ዱረ አሱን ጋማ ብራ ይና ሳጥንተ ኦላነ። 42ፈቲ ዳሃ ቡዳንታ ይእ፥ ላምእ ስክና ይና ሳጥንተ ኦልዳ። 43የሱሳ ፋ ታማሩንና ጼጊ፥ «ታኒ ይንትስ ቱሮ ኦህነ፤ ሙጻተ ሳጥንተ ኦልደ አሱን ኡባፓ Ꮉና ዳሃ ቡዳንታ ጋን ኦልዳ። 44አኮስ ጋይኮ፥ መሉን ኡባ ፋስ ኩሚ አትደ ብራፓ ኦላነ። የዝን እዛ ፋ ፋጭትፓ፥ ፋስ የዘ ቆልቶ ኡባ እንግዳ» ያጋይዳ።