ሙልአተ 5

ክታበ መረማፊ ሆላ ቀለሜ

1አንስ ሀርከ ምርገ እሰ ቴሶረ ታኤ ሰናረት ክታበ መረማ ኬሳፊ ዱባን እት በሬፈሜ ቻፓ ቶርባን ጩፈሜ ቶኮ ነንአርጌ። 2አንስ ኤርገማ ዋቃ እሰ ጀባ ሰገሌ ጉዳዻን፣ “ቻፓ ሂኩን፣ ክታበ መረማስ በኑን ከን መሉፍ ኤኙ እን?” ጄዼ ለብሱ ቶኮ ነንአርጌ። 3ገሩ ነምን ቶኮዩ ሰሚ ኬሳ ዮካን ለፈራ ዮካን ለፈ ጀላ ክታበ መረማ በኑ ዮካን ኬሰሳዩ እላሉ ህንደንዴኜ። 4አንስ ዋን ነምን ክታበ መረማ በኑን ዮካን ኬሰሳ እላሉን መሉፍ ቶኮዩ ዸበሜፍ ባይእሴ ነንቦኤ። 5ኤርገሲስ ማንጉዶተ ሰነ ኬሳ እን ቶኮ፣ “ህንቦእን! ኩኖ፣ ሌንጭ ጎሰ ይሁዳ፣ ህድ ዳዊት ሞአቴረ። እን ክታብቸ መረማ በኑ፣ ቻፓሳ ቶርበኑስ ሂኩ ንደንደአ” ናን ጄዼ።

6አንስ ሆላ ዋን ቀለሜ ፈካቴ ቴሶ ወለካ ኡመመወን ሉቡ ቀቤዪ አፍረኒፊ ማንጉዶታን መርፈሜ ዻበቱ ቶኮ አርጌ። ሆልችስ ጋንፈ ቶርባፊ እጀ ቶርበ1 ቀበ ቱሬ፤ እጅ ቶርበን ኩኔንስ ሀፉሮተ ዋቃ ከኔን ገረ ለፈ ሁንዳት ኤርገመን ቶርበኒዸ። 7እንስ ዹፌ ሀርከ ምርጋ እሰ ቴሶረ ታኤ ጅሩ ሰናራ ክታበ መረማ ፉዸቴ። 8ዮሙ እን ክታበ መረማ ሰነ ፉዸቴትስ ኡመመወን ሉቡ ቀቤዪ አፍረኒፊ ማንጉዶትን ድግደሚ አፍረን ፉለ ሆልቻ ዱረት ኩፈን። ቶኮን ቶኮንሳኒ በገና ቀቡ ቱረን፤ እሳንስ ምአ እጣና ከን ወርቄራ ሆጄተሜፊ ከን እጣን ኬሰ ጉቴ ሀርካ ቀቡ ቱረን፤ እጣን ኩንስ ከዸትና ቁልቁሎታት። 9እሳንስ አከነ ጄዸኒ ፋርፈትና ሃራ ፋርፈተን፤

“ክታበ መረማ ፉዹን፣

ቻፓ ክታብቸ መረማስ ሂኩን ሲፍ መለ፤

ሰበቢንሳስ አት ቀለምቴ፣ ጎሰ ሁንዱማ ኬሳ፣

አፋን ሁንደ ኬሳ፣ ሰበ ሁንደ ኬሳ፣

ሰኚ ሁንደ ኬሳ፣ ነሞተ ዺገኬቲን ዋቃፍ ብቴርታቲ።

10አከ እሳን ሞቱማፊ ሉቦተ ዋቀኬኛ ተአንስ ጎቴርተ፤

እሳንስ ለፈረት ንሞኡ።”

11አንስ እላሌ ሰገሌ ኤርገሞተ ባይኤ ዸገኤ፤ ባይእንሳኒስ ኩማተማፊ ኩመ ኩማተመ ቱሬ። እሳንስ ቴሶ ሰነት፣ ኡመመወን ሉቡ ቀቤዪፊ ማንጉዶተት ናነአኒ ቱረን። 12እሳንስ አከነ ጄዸኒ ሰገሌ ጉዳዻን ፋርፈተን፤

“ሆላ ቀለሜ ሰናፍ፣

ሁምናፊ ቀቤኘ፣ ኦጉማፊ ጀብነ፣

ከበጃፊ ኡልፍነ፣ ገለተስ አርገቹን ንመለ!”

13አንስ ኤርገሲ ኡመምን ሰሚ ኬሰ ጅሩ፣ ከን ለፈረ ጅሩ፣ ከን ለፈ ጀለ ጅሩፊ ከን ገላነ ኬሰ ጅሩ ሁንድ፣ ኡመምን እሳን ኬሰ ጅሩ ሁንድኑስ፣

“እሰ ቴሶረ ታኡ ሰናፊ ሆልቻፍ፣

ገለትኒፊ ከበጅን፣ ኡልፍኒፊ ሁምን፣

በረ በራ ሀመ በረ በራት ሃተኡ!”

ጄዸኒ ኡቱ ፋርፈተኑ ነንዸገኤ። 14ኡመመወን ሉቡ ቀቤዪን አፍረን፣ “አሜን” ጄዸን፤ ማንጉዶትንስ ኩፈኒ ሰገደን።