ሙልአተ 4

ቴሶ ሰሚ ኬሳ

1አንስ ኤርገሲ ነንእላሌ፤ ኩኖ በልበለ በነማን ቶኮ ፉለኮ ዱረ ሰሚ ኬሰ ቱሬ። ሰገሌን ጀልቀባ ከን አን ኡቱ እን አከ መለከታት ነት ዱበቱ ዸገኤ ሱን፣ “አስ ኦል ኮቱ፤ አንስ ዋን አሲን ቦዴ ተኡ ቀቡ ስትን አርግሲሳ” ጄዼ። 2አንስ ዮሙሱመ ሀፉራነን ቱሬ፤ ኩኖ፣ ቴሶን ነምን ቶኮረ ታኤ ቶኮ ሰሚ ኬሰ ቱሬ። 3እን አች ታኤስ ዸጋ ገቲ ጉዳ ያስጲዲቲፊ1 ሰርድዮን2 ፈካተ ቱሬ። ናኖ ቴሶ ሰናስ ሰበተ ዋቃ ከን ብፍንሳ ዸጋ መረግድ3 ፈካቱቱ ቱሬ። 4ናኖ ቴሶ ሰናስ ቴሶወን ብራ ድግደሚ አፉርቱ ቱሬ። ቴሶወን ሰነረስ ማንጉዶትን ድግደሚ አፉር ኡፈተ አዳዲ ኡፈተኒ፣ መታሳኒትሞ ጎንፎ ወርቄ ካአተኒ ተታአኒ ቱረን። 5ቴሶ ሰነ ኬሳስ እፍን በለቄ ንሙልአቴ፤ ከከዌፊ ሰገሌን ንዸገአሜ። ቴሶ ሰነ ፉልዱረትስ ጉጭ ቶርበ ቦበኣ ቱሬ። እሳን ኩኔንስ ሀፉሮተ ዋቃ ቶርበኒዸ። 6አከሱመስ ወን ገላነ ብልሌ ፈካቱ ከን አከ ኦፍ እላሌ ቁልቁላኤ ቶኮ ቴሶ ሰነ ፉልዱረ ቱሬ።

ወለካ ናኖ ቴሶ ሰናስ ኡመመወን ሉቡ ቀቤዪ አፉርቱ ቱሬ፤ እሳንስ ዱራፊ ዱባን እጃን ጉተመኒ ቱረን። 7ኡመምን ሉቡ4 ቀቤስ ጀልቀባ ሌንጨ፣ እን ለመፋን ሰንጋ ፈካተ ቱሬ፤ እን ሰደፋን ፉለ አከ ፉለ ነማ ቀበ ቱሬ፤ አፉረፋንሞ ርሳ5 በርሱ ፈካተ ቱሬ። 8ቶኮን ቶኮን ኡመመወን ሉቡ ቀቤዪ አፍረኒ ቆቾ ጀአ ጀአ ቀቡ ቱረን፤ ዱብንሳኒቲፊ ኬስሳኒስ እጃን ጉተሜ ቱሬ። እሳንስ ኡቱ ኣረ ህንገልፈትን ሀልከኒ ጉያ፣

“ ‘ዋቅን ጎፍታን ዋን ሁንደ ደንደኡ’6

እን ቱሬ፣ እን ጅሩፊ እን ዹፉፍ ጅሩ፣

‘ቁልቁሉ፣ ቁልቁሉ፣ ቁልቁሉዸ’ ”

ጄዸኒ ፋርፈቹ ህንዺሰን። 9ኡመመወን ሉቡ ቀቤዪን ሱን እሰ ቴሶረ ታኤ ጅሩ ከን በረ በራ ሀመ በረ በራት ጅራቱ ሰናፍ ኡልፍነ፣ ከበጃፊ ገለተ ዮሙ ኬነንት፣ 10ማንጉዶትን ድግደሚ አፍረን ሱንስ ፉለ እሰ ቴሶረ ታኤ ጅሩ ሰና ዱረት ኩፈኒ እሰ በረ በራ ሀመ በረ በራት ጅራቱ ሰናፍ ንሰገደን። ጎንፎወንሳኒስ ፉለ ቴሶ ሰና ዱረ ከካአኒ አከነ ጄዹ፦

11“ያ ጎፍታፊ ዋቀኬኘ፣

አት ዋን ሁንደ ዋን ኡምቴፍ፣

እሳን ፌዺኬቲን ዋን ኡመመኒፍ፣

ዋን ጅራተኒፍስ፣

ኡልፍነ፣ ከበጃፊ ሁምነ ፉዸቹን ሲፍ ንመለ።”