ፋርፈትና 55

ከዸትና ዬሮ አርአተማ

ዱረ ቡኣ ፋርፈቶታቲፍ። ምአ ርቡቲን። መስኪሊ ዳዊት።

1ያ ዋቅ፣ ከዸትናኮ ዸገእ፤

ዋመተኮ ጀላስ ህንድድን።

2ነ ዸገኢቲ ዴቢ ና ኬን፤

ኮሚንኮ ነ ዽጵሰ፤ አንስ ነጋ ዸቤረ።

3ሰገሌ ዲናቲን፣

ጩንቁርሰ ነሞተ ሀሞስ ዹፌ፤

እሳን ዽጵነ ነት ፍዱቲ፤

ኣሪዻንስ ነ ጅቡ።

4ለጴንኮ ነ ኬሰት ዽጰቴ፤

ሶዳን ዱኣስ ነ ቀበቴ።

5ሶዳፊ ሆለትናን ነት ዹፌረ፤

ናሱንስ ነ ፉዸቴረ።

6አንስ አከነ ነንጄዼ፤ // “ኡቱ አን አኩመ ጉጌ ቆቾ ቀባዼ!

ስላ አሲ በርሴ ነንቦቆዸን ቱሬ።

7ስላ ፈጎት በቀዼ

ገሞጂ ኬሰ ነንቡቡለ ቱሬ፤

8ስላ ቡቤ ሀማፊ ቅሌንሰ ጀባራ ፈጋዼ

ገረ እዶ ቦቆናኮት ነንአሪፈዸን ቱሬ።”

9ያ ጎፍታ፣ ነሞተ ሀሞ ቡርጃጄስ፤

ዱቢሳኒስ ወሊን ዸእ፤

አን መጋላ ኬሰት ጎሊፊ ሎለ አርጌራቲ።

10እሳን ሀልከኒ ጉያ ኦል በአኒ ደላሼረ ናነኡ፤

ጀልእኒፊ ረክን እሼ ኬሰ ጅረ።

11እሼ ኬሰ በዲሰቱ ጅረ፤

ነመ ጩንቁርሱፊ ጎዎምሱን ዳንዲሼራ ህንዸበሙ።

12ኡቱ ዲን ነ አረብሴ፣

ስላ ኦብሱ ነንደንደአ ቱሬ፤

ኡቱ አመጃጂን ነት ከኤ፣

ስላ ጀላ ዾከቹ ነንደንደአ ቱሬ።

13ገሩ ስእ ነሙመ አከኮቲ፣

ህርያኮ፣ ምቹኮ ከን ነት ዽኣቱቱ ዋን ከነ ጎዼ።

14ቶኩማዻን መነ ዋቃ ወሊ ወጅን ዴምኔ፤

ሃሳ ምኣዋስ ወሊ ወጅን ሃሶፍኔ።

15ዱት ተሰ እሳንት ሃዹፉ፤

ኡቱመ ሉቡዻን ጅረኑ ሲኦል ኬሰ ሃቡአን፤

ሀምን መነሳኒቲፊ ገራሳኒ ኬሰ ጅራቲ።

16አን ገሩ ዋቀ ነንዋመዸ፤

ዋቀዮስ ጀላ ነ ባሰ።

17አን ገልገለ፣ ገነማፊ ዋሬት ዽጵናን ነንእየ፤

እንስ ሰገሌኮ ንዸገአ።

18ዮ ነምን ባይኤን አናን ሞርሜሌ፣

እን ወራነ ነት ከኤ ጀላ ሚዻ መሌ ነ ባሰ።

19ዋቅን እን ዱሩማ ጀልቀቤ ቴሶረ ጅሩ ሱን፣

ነሞተ ከራሳኒ ህንጌደረትኔ፣

ከኔን ዋቀ ህንሶዳትኔ ንዸገአ፤

እሳን ቃኔሰስ።

20ህርያንኮ ምቾተሳት ሀርከሳ ኦል ፉዸቴ፤

ከኩሳሌ ንጨብሴ።

21ዱቢንሳ አኩመ ዸዻት፤ ነመ ህንቁቁ፤

ገራሳ ኬሰ ገሩ ሎለቱ ጅረ፤

ዱቢንሳ ዘይቲ ጫላ ለላፈ፤

ገሩ ጎራዴ ሉቅፈሜዸ።

22ያዶኬ ዋቀዮት ኬነዹ፤

እን ስ ጅራችሰ፤

ነምን ቀጄላን አከ ጄቀሙስ ህንጎዹ።

23ያ ዋቀዮ፣ አት ገሩ

ነሞተ ሀሞ ቦለ በዲሳ ኬሰ ንቡፍተ፤

ወር ዺገ ዸንገላሰኒፊ ጎዎምስቶትን፣

ወለካ በረ ጅሬኘሳኒዩ ህንጅራተን።

አን ገሩ ስንአመነዸ።