ፋርፈትና 106

ኡመትን ጩቡሳ ህመቴ

106፥1፣47‑48 ኩወፈ – 1ሴና 16፥34‑36

1ሃሌሉያ።

ዋቀዮፍ ገለተ ገልቻ፤ እን ጋሪዻቲ፤

ጃለልሳ በረ በራን ጅራተ።

2ኤኙቱ ሆጂ ዋቀዮ ጀባ ሰነ ለብሱ፣

ዮካን ገለተሳ ጉቱማት ኦዴሱ ደንደኣ?

3ወር ጀቤሰኒ ሙርቲ ቀጄላ ኤገን፣

ወር ዬሮ ሁንደ ዋን ቀጄላ ሆጄተን ኤብፈሞዸ።

4ያ ዋቀዮ፣ ዮሙ ሰበኬት ፋረ ቶልቱት ነ ያደዹ፤

ዮሙ እሳን ኦልችቱትስ ነ ገርጋር፤

5አከ አን በዻዹማ ፍለተምቶተኬቲ አርጉፍ፣

አከ አን ገመቹ ሰበኬቲ ኬሰት ህርማዼ

ዻለኬ ወጅን ቦኑፍ ነ ያደዹ።

6ኑ አኩመ አቦቲኬኛ ጩቡ ሆጄትኔረ፤

የከ ሆጄትኔረ፤ ሀምነስ ሆጄትኔረ።

7አቦቲንኬኘ ዬሮ ብየ ግብጥ ኬሰ ቱረንት፣

ድንቂኬ ህንሁበትኔ፤

ባይእነ አራረኬቲስ ህንያደትኔ፤

እሳን ገላነ ብረት፣ ገላነ ዲማ ብረት ስት ፍንጭለን።

8ተኡስ እን አከ ሁምንሳ ጉዳን ሱን ቤከሙፍ፣

መቃሳቲፍ ጄዼ እሳን ኦልቼ።

9እን ገላነ ዲማ እፈቴ፤ ገላንችስ ንጎጌ፤

አኩመ ዋን ገሞጂ ኬሰ ደበርሱት ለፈ ጎጋረ እሳን ደበርሴ።

10ሀርከ አመጃጂሳኒ ኬሳ እሳን ባሴ፤

ሁምነ ዲና ጀላስ እሳን ፉሬ።

11ብሻኖትን ዲኖተሳኒ ልቅምሰን፤

ቶኮንሳኒዩ ህንሀፍኔ።

12ኤርገሲ እሳን ዱቢሳ አመነኒ

ፋርፈናዻን እሰ ገለቴፈተን።

13እሳን ገሩ ዮሙሱመ ዋን እን ሆጄቴ ቱሬ ደገተን፤

ጎርሰሳስ ኦብሳን ህንኤገትኔ።

14ገሞጂ ኬሰት ዸራ ሀማዻን ጉተመን፤

ለፈ ኦና ኬሰትስ ዋቀ ቆረን።

15ከናፉ እን ዋን እሳን ከዸተን ኬኔፍ፤

ገሩ ዹኩበ ነመ ሁቅሱ እሳንት ኤርጌ።

16እሳን ቁበተ ኬሰት ሙሴፊ

አሮን ቁልቁልቸ ዋቀዮት ህናፈን።

17ለፍት አፋን በነቴ ዳታንን ልቅምስቴ፤

ገሬ አቢራምስ ገድ ፉዸቴ።

18ዱከ ቡቶተሳኒ ግዱት እብድ ቦበኤ፤

አረብን እብዳስ ሀሞተ ፍጤ።

19እሳን ኮሬብት ጀቢ ቶልፈተን፤

ፈኪ በቅፈሜ ቶልፈሜስ ዋቄፈተን።

20እሰ ኡልፍነሳኒ ተኤ ሰነ፣

ፈኪ ሰንጋ መርገ ዼዱት ጌደረን።

21ዋቀ እሳን ፈይሴ፣

እሰ ብየ ግብጥት ዋን ጉርጉዳ ሆጄቴ ሰነ እራንፈተን።

22ድንቂ እን ብየ ሃም ኬሰት ሆጄቴ፣

ሆጂ ሶዳችሳ እን ገላነ ዲማረት ሆጄቴስ ንእራንፈተን።

23ከናፉ ኡቱ ፍለተማንሳ ሙሴን

አከ ዼከምስ ዋቃ እሳን ህንበሌስኔፍ

ግዱ ገሌ ፉለሳ ዱረ ዻበቹ ባቴ ስላ

ዋቅን አከ እሳን በሌሱ ዱበቴ ቱሬ።

24እሳንስ ብየ ነመት ቶሉ ሰነ ቱፈተን፤

ዋዳ ዋቅን ገሌስ ህንአመኔ።

25ዱንካኖተሳኒ ኬሰት ንጉንጉመን፤

ዋቀዮፍስ ህንአጀጀምኔ።

26ከናፉ እን አከ ገሞጂ ኬሰት

እሳን ገቱ ሀርከሳ ኦል ቀበቴ ከከቴ፤

27ሰኚሳኒ አከ ሰቦተ ግዱት ገቱ፣

ብዮተ ሁንደ ኬሰስ አከ እሳን ብትኔሱ ከከቴ።

28እሳን በኣል ጴኦርት ኦፍ ኬነኒ

ኣርሳ ዋቆተ ሉቡ ህንቀብኔፍ ዽኤፈሜ ኛተን።

29ሆጂሳኒ ሀማ ሰናን // ዋቀዮን ዼከምሳፍ ከካሰን፤

ዸእችስ እሳንረ ቡኤ።

30ገሩ ፊኔሃስ ከኤ ግዱ ሴናን

ዸእች ሱን ዻበቴ።

31ኩንስ ዸሎታ ሀመ ዸሎታት፣

አከ ቀጄሉማት እሳፍ ሄሬገሜ።

32እሳን ብሻን መሪባ ብረት አከ ዋቀዮ ኣሩ ጎዸን።

ሙሴንስ ሰበቢሳኒቲፍ ረከቴ፤

33ሰበቢ እሳን ሀፉረ ዋቃት ፍንጭለኒፍ

ሙሴን ኡቱ እት ህንያድን ዱበቴ።

34እሳን አከ ዋቀዮ እሳን አጀጄት፣

ሰቦተ ህንበሌስኔ፤

35እሳን ገሩ ኦርሞተት መከመኒ

ዱዻሳኒ በረተን።

36ዋቆተሳኒ ቶልፈሞ፣

ከኔን ክዮ እሳንት ተአን ዋቄፈተን።

37እልማንሳኒቲፊ እንተለንሳኒ

ኣርሳ ጎዸኒ ሀፉሮተ ሀሞፍ ዽኤሰን።

38እሳንስ ዺገ ወረ በሌሳ ህንቀብኔ፣

ዺገ እልማንሳኒቲፊ እንተለንሳኒ፣

ከን ዋቆተ ቶልፈሞ ከነኣኒፍ

ኣርሳ ጎዸኒ ዽኤሰን ሰነ ዸንገላሰን፤

ብየቲንስ ዺገሳኒቲን ፋለምቴ።

39እሳን ዋኑመ ሆጄተኒን ኦፍ ጡሬሰን፤

ሆጂሳኒቲን ሰጋገልቶተ ኦፍ ታስሰን።

40ከናፉ ዋቀዮ ሰበሳት ኣሬ፤

ሀንዹራሳስ ንበልፌ።

41እን ደበርሴ ኦርሞተት እሳን ኬኔ፤

አመጃጆንሳኒስ ኦፍ ጀለት እሳን ቡልቸን።

42ዲኖትንሳኒ እሳን ጩንቁርሰን፤

ሁምነሳኒ ጀለስ እሳን ገልፈተን።

43እን ዬሮ ባይኤ እሳን በራሬ፤

እሳን ገሩ እቱመ ፉፈኒ ፍንጭለን፤

እቱመ ጫልችሰኒስ ጩቡ ሆጄተን።

44እን ገሩ ዮሙ እየሳኒ ዸገኤት፣

ረክነሳኒ ሁበቴ፤

45እሳኒፍ ጄዼ ከኩሳ ያደቴ፤

ሰበቢ ጃለለሳ ጉዳ ሰናቲፍ ገራ ላፌፍ።

46እን አከ ወር እሳን ቦጅአን ሁንድኑ

ገራ እሳኒፍ ላፈኒፍ ጎዼ።

47ያ ዋቀዮ፣ ዋቀኬኘ ኑ ኦልች፤

አከ ኑ መቃኬ ቁልቁሉ ሰነ ገለቴፈኑፍ፣

አከ ገለተኬቲን ኦፍ ጀጅኑፍስ፣

ኦርሞተ ኬሳ ወልት ኑ ቀብ።

48ዋቀዮ፣ ዋቀ እስራኤሊቲፍ፣

በረ በራ ሀመ በረ በራት ገለን ሃገኡ።

ነምን ሁንድኑ “አሜን!” ሃጄዹ።

ሃሌሉያ!