Zabuuriiwwan 128

Eebba Qajeeltonni Argatan

Zabuurii Ol Baʼuu.

1Warri Rabbii Allaah sodaatan,

kanneen karaa isaa irra deeman eebbifamoo dha.

2Ati buʼaa dadhabbii keetii ni nyaatta;

ni eebbifamta; jireenyis sitti tola.

3Niitiin kee mana kee keessatti,

akka muka wayinii kan ija naqatee ni taati;

ijoolleen kees naannoo maaddii keetiitti,

akka lataa muka ejersaa ni taʼu.

4Namni Rabbii Allaah sodaatu

akkasitti eebbifama.

5Bara jireenya keetii guutuu,

Rabbii Allaahan Xiyoon irraa si haa eebbisu;

atis badhaadhummaa Yerusaalem argi.

6ijoollee ijoollee keetii ni argi;

nagaan Israaʼeliif haa taʼu.