Zabuuriiwwan 111

Hojii Rabbii Allaah Dinqisiifachuu

1Haalleluuyaa.

Ani waldaa tolootaatii fi wal gaʼii keessatti,

garaa koo guutuudhaan Rabbii Allaah nan galateeffadha.

2Hojiiwwan Rabbii Allaah gurguddaa dha;

warri itti gammadan hundinuus irra deddeebiʼanii yaadan.

3Hojiin isaa surra qabeessaa fi kabajamaa dha;

qajeelummaan isaas bara baraan jiraata.

4Inni akka dinqiin isaa yaadatamu godheera;

Rabbii Allaahan arjaa fi gara laafessa.

5Inni warra isa sodaataniif nyaata kenna;

kakuu isaas bara baraan ni yaadata.

6Lafa saboota kaanii isaaniif

kennuudhaan humna hojii isaa saba isaatti mulʼiseera.

7Hojiin harka isaa amanamaa fi qajeelaa dha;

ajajni isaa hundinuus amanamaa dha.

8Isaanis bara baraa hamma bara baraatti jabaatanii dhaabatu;

amanamummaa fi qajeelummaadhaanis hojjetamu.

9Inni saba isaatiif furii ergeera;

kakuu isaas bara baraan ajajeera;

maqaan isaa qulqulluu fi sodaachisaa dha.

10Rabbii Allaah sodaachuun jalqaba ogummaa ti;

warri sirna isaa faana buʼan hundinuu hubannaa gaarii qabu.

Galanni isaa bara baraan jiraata.