Biblica® Open New Oromo Contemporary Version Latin 2022
Faarfannaa 131
Waaqa Amanachuu
Faarfannaa ol baʼuu. Faarfannaa Daawit.
Yaa Waaqayyo, garaan koo of hin jaju;
iji koos of hin tuulu;
ani waan guddaa fi waan humna kootii ol taʼe keessa hin seenu.
Ani garuu lubbuu koo afaan qabachiiseera; calʼisiiseeras;
akkuma daaʼimni harma haadha isaa guusan tokko haadhatti irkatee boqotu sana,
akkuma daaʼima harma haadha isaa guusanii lubbuun koo na keessatti calʼiste.
Yaa Israaʼel, ammaa fi bara baraaf,
Waaqayyoon abdadhu.
Biblica® Open New Oromo Contemporary Version Latin 2022. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.