Biblica® Open New Oromo Contemporary Version Latin 2022
Faarfannaa 130
Waamicha Gargaarsaaf Dhiʼaate
Faarfannaa ol baʼuu.
Yaa Waaqayyo, ani boolla gad fagoo keessaa // sitti nan iyyadha;
yaa Gooftaa, sagalee koo dhagaʼi.
Gurri kees sagalee waammata koo
xiyyeeffatee haa dhagaʼu.
Yaa Waaqayyo, utuu ati cubbuu lakkooftee,
yaa gooftaa silaa eenyutu dhaabachuu dandaʼa?
Garuu dhiifamni si bira jira;
kanaaf ati ni sodaatamta.
Ani Waaqayyoon nan eeggadha; lubbuun koos isa eeggatti;
dubbii isaas nan abdadha.
Eegdota barii lafaa eeggatan caalaa,
dhugumaan eegdota barii lafaa eeggatan caalaa
lubbuun koo Gooftaa eeggatti.
Yaa Israaʼel, ati Waaqayyoon abdadhu;
Waaqayyo bira jaalalli dhuma hin qabne,
furiin guutuunis ni jiraatii.
Inni mataan isaa cubbuu isaanii
hundumaa irraa Israaʼelin ni fura.
Biblica® Open New Oromo Contemporary Version Latin 2022. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.