ପ୍ରଥମ ବଂଶାବଳୀ

ବଂଶାବଳୀର ପ୍ରଥମ ପୁସ୍ତକ

ଲେଖକ

ପ୍ରଥମ ବଂଶାବଳୀ-ପୁସ୍ତକ ଲେଖକଙ୍କ ବିଷୟରେ ସ୍ପଷ୍ଟ ଭାବରେ ପ୍ରକାଶ କରେ ନାହିଁ, କିନ୍ତୁ ଯିହୁଦୀ ପରମ୍ପରା ଅନୁସାରେ ଏଜ୍ରାଙ୍କୁ ପୁସ୍ତକର ଲେଖକ ବୋଲି ବିଶ୍ୱାସ କରାଯାଏ। ପ୍ରଥମ ବଂଶାବଳୀ-ପୁସ୍ତକ ଇସ୍ରାଏଲର ବଂଶର ତାଲିକା ସହ ଆରମ୍ଭ ହୁଏ। ତାʼପରେ, ଏହି ପୁସ୍ତକରେ ଅବିଭକ୍ତ ରାଜ୍ୟ ଅର୍ଥାତ୍‍ ଇସ୍ରାଏଲ ରାଜ୍ୟ ଉପରେ ଦାଉଦଙ୍କର ଶାସନର ବିବରଣ ପ୍ରଦାନ କରାଯାଇଅଛି, ଏବଂ ଏହି ପୁସ୍ତକ ଦାଉଦ ରାଜାଙ୍କ ରାଜତନ୍ତ୍ରର ଅତି ନିକଟତର ବିବରଣୀ ଅଟେ, ଯାହା ପୁରାତନ ନିୟମର ଏକ ଉଚ୍ଚ ଛବି ଅଟେ। ଏହାର ବିସ୍ତୃତ ଦୃଶ୍ୟ ପ୍ରାଚୀନ ଇସ୍ରାଏଲର ରାଜନୈତିକ ଓ ଧାର୍ମିକ ଇତିହାସକୁ ବିସ୍ତାର କରେ।

ସମୟ ଓ ସ୍ଥାନ

ପ୍ରାୟ 450-400 ଖ୍ରୀଷ୍ଟପୂର୍ବ ମଧ୍ୟରେ ଏହି ପୁସ୍ତକ ଲେଖାଯାଇଅଛି।

ଏହା ସ୍ପଷ୍ଟ ଯେ, ଏହି ପୁସ୍ତକର ସମୟ, ଇସ୍ରାଏଲ ଲୋକମାନେ ବାବିଲରୁ ନିର୍ବାସିତ ହେଲା ପରେ। ପ୍ରଥମ ବଂଶାବଳୀ 3:19-24 ଯିରୁବ୍ବାବିଲ୍‍ଙ୍କ ପରେ ଦାଉଦଙ୍କ ବଂଶଧରକୁ ଷଷ୍ଠ ପିଢ଼ି ପର୍ଯ୍ୟନ୍ତ ସମ୍ପ୍ରସାରିତ କରେ।

ପ୍ରାପକ

ପ୍ରାଚୀନ ଯିହୁଦୀ ଏବଂ ବାଇବଲର ପରବର୍ତ୍ତୀ ପାଠକମାନେ।

ଉଦ୍ଦେଶ୍ୟ

ଯେଉଁ ଲୋକମାନେ ଇସ୍ରାଏଲକୁ ଫେରୁଥିଲେ ସେମାନେ ପରମେଶ୍ୱରଙ୍କୁ କିପରି ପ୍ରଶଂସା କରିବେ ତାହା ସେମାନଙ୍କୁ ଜଣାଇବା ନିମନ୍ତେ ପ୍ରଥମ ବଂଶାବଳୀ-ପୁସ୍ତକ ନିର୍ବାସନ ପରେ ଲେଖାଯାଇଅଛି। ଇତିହାସ ଦକ୍ଷିଣ ରାଜ୍ୟ, ଯିହୁଦା, ଲେବୀ ଓ ବିନ୍ୟାମୀନ୍‍ଙ୍କ ବଂଶଧର ଉପରେ ଆଲୋକପାତ କରେ। ଏହି ବଂଶଧରମାନେ ପରମେଶ୍ୱରଙ୍କ ପ୍ରତି ବିଶ୍ୱସ୍ତ ଅଟନ୍ତି। ଦାଉଦଙ୍କ ଗୃହ, କିମ୍ବା ଶାସନସବୁ ଦିନ ପାଇଁ ସ୍ଥିରିକୃତ କରିବାକୁ ପରମେଶ୍ୱର ତାହାଙ୍କୁ ଦେଇଥିବା ପ୍ରତିଜ୍ଞାକୁ ସେ ପୂରଣ କଲେ। ସଂସାରର ରାଜାମାନେ ତାହା କରି ପାରିଲେ ନାହିଁ କିନ୍ତୁ ପରମେଶ୍ୱର ଦାଉଦ ଏବଂ ଶଲୋମନଙ୍କ ଦ୍ଵାରା ଆପଣା ମନ୍ଦିର ସ୍ଥାପନ କଲେ, ଯେଉଁଠାରେ ଲୋକେ ତାହାଙ୍କୁ ଉପାସନା କରିବା ନିମନ୍ତେ ଆସି ପାରିବେ। ଶଲୋମନଙ୍କ ଦ୍ଵାରା ନିର୍ମାଣ କରାଯାଇଥିବା ମନ୍ଦିର, ଆକ୍ରମଣକାରୀ ବାବିଲମାନଙ୍କ ଦ୍ଵାରା ଧ୍ୱଂସ କରାଯାଇଥିଲା।

ବିଷୟବସ୍ତୁ

ଇସ୍ରାଏଲର ଆତ୍ମିକ ଇତିହାସ

ରୂପରେଖା

1. ବଂଶାବଳୀ — 1:1-9:44

2. ଶାଉଲଙ୍କ ମୃତ୍ୟୁ — 10:1-14

3. ଦାଉଦଙ୍କ ଅଭିଷେକ ଏବଂ ରାଜତ୍ୱ — 11:1-29:30