Skip to content
BibleKenya

Luk

Luke

Introduction from this edition

Besako Belɔti be Yesu Kilisito // ŋango baandiki Luka.

LUKA

WIINGELELO

Luka koandeki linɛ libuku. Wiiki nde wiinngi, lonkinɛ phaiki Muyuda. Waandeki linɛ libuku aliko aasimele bale bapha Bayuda Besako Belɔti be nkakolama mbetela Yesu Kilisito. La ndako kaandeki libuku ja Bisima be Baeki. Luka nɛmɛlɛ koo mɛna Yesu, kinaki ochichi ike la mona besao aliko la Yesu.

Luka olende ataɛnya nte Yesu Kilisito kole Bɔna a Ɔnto aandi mona la nkakola banto ba limeli (Luka 19.10). Lonkinɛ ataɛnya nte Yesu wɛɛnɛli banto ŋandi banɛ baelolelami wɛɛnte: baola, bainto, la bana. Luka ɔmbɔlɔnda aliko la bolemo ba Lɔkɛngɛ Lɔɛlɔ wiingo biiki Yesu atakee.

Libuku ja Luka nde liyalaka litale ike ndeka ma buku lalikuli ba lilaka ja kasende. Omanja linɛ libuku, Luka ɔmbɔlɔnda ike aliko la mbotama ya Yesu (Luka 1-2), ɔmbɔlɔnda lonkinɛ aliko la jooti ja Yesu (Luka 3.23-38). Lonkinɛ ɔmbɔlɔnda aliko la mbatisama ya Yesu (Luka 3.21), la nkekelama yande la Bosombo (Luka 4.1-13), la bolemo bande (Luka 4-21), la ntumbyama yande waalemba (Luka 22-23), la ntondwa yande (Luka 24). Pa ŋango Luka ɔmbɔlɔnda ŋango wiyɛnyisa Yesu lonkinɛ o baeki bande mala ike pa ntondwa yande. Aalɔngɔsɔli o bolemo ba mbekya Besako Belɔti waanto. Okantunda, Luka ɔlɔndi bolengo nke Kanamombe obuulisa Yesu e loola.

Ombo Traduction. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.