Edwɛndolɛ 82

Ndɛnebuavoma mɔɔ bɛnli nɔhalɛ la anyunlu ɛhwilɛ

1Nana Nyamenle ɛradɛnla aze wɔ ye ayia nwuanzanwuanza ne anu. Awozonle ne mɔ bɛ avinli yɛɛ ɔde mɔɔ ɔbua ndɛne a: 2Bɛbabua ndɛne mɔɔ ɛnle nɔhalɛ la bɛahɔkpula kenle nzu bieko? Bɛbabua ndɛne bɛahɔ amumuyɛvoma afoa nu yeahɔkpula kenle nzu? 3Bɛbua ndɛne mɔɔ anwo te la bɛmaa ehyiavolɛma ɔ nee nrisa mralɛ; na bɛho bɛmaa bɛdabɛ mɔɔ menli sisi bɛ, na bɛmbu bɛ bie la. 4Bɛpepɛ bɛlie bɛdabɛ mɔɔ bɛnlɛ anwosesebɛ na bɛle ehyiavolɛma la. Bɛlie bɛ ngoane bɛvi atisesebɛvoma asa anu. 5Bɛnlɛ adwenle, yɛɛ bɛnlɛ ndelebɛbo; dahuu bɛde awozinli nu. Pɛpɛlilɛ ɛminli ɛvi azɛlɛ ye azo bɔkɔɔ. 6Mese bɛ kɛ, “Bɛle awozonle; bɛ muala bɛle Anwuma Nyamenle Bedevinli ne amra.” 7Noko akee bɛ muala bɛbawu kɛ menli ala la; bɛ ngoane awieleɛ bayɛ kɛ arelemgbunli mra la pɛpɛ pɛpɛ.

8Dwazo, O Nana Nyamenle, na bua azɛlɛ ye azo amra ndɛne; ɔluakɛ wɔmɔ ɛ sa nu yɛɛ ewiade amuala wɔ a.