Biblica® Open Nzema Word of Life Gospels & Psalms 1984
Edwɛndolɛ 121:8
Verse 8 is marked below, with the whole chapter around it. Read from the start
Adenduvolɛ ye Edwɛndolɛ: Awulae le me Neazovolɛ
Mebamaa me nye zo anwuma meanlea awoka ne mɔ azo; na nienwu a me moalɛ vi bara a? Nana Nyamenle ɛkɛ ne yɛɛ me moalɛ vi bara a, yemɔ mɔɔ ɔbɔle anwuma nee aze la. Ɔnrɛmaa bɛnrɛye ɛ gyakɛ bɛnrɛvi ɔ bo zo ne; ɔnrɛmaa ɛnrɛdɔ aze; ɔluakɛ wɔ sinzavolɛ ne anye gyi zo dahuu; ɔnla ɛlɛ. Nea! Ahenle mɔɔ nea Yizilayɛ anwo zo la ɛmbɔ ngɔsɔkɛ anzɛɛ ɛnla ɛlɛ.
Nana Nyamenle a le wɔ neazovolɛ a; ɔwɔ wɔ foa nee foa kɛ ɔsinza wɔ. Ewia ne ɛnrɛyela wɔ wɔ alehyenlɛ ne anu, yɛɛ siane noko ɛnrɛgyinla ɛ nwo zo aledwolɛ ne amuala. Nana Nyamenle bazinza wɔ avi munzule biala anu; ɔbava wɔ ngoane yeazie kpalɛ. Nana Nyamenle bazinza wɔ, wɔ wɔ alie nwo ɛhɔlɛ ɔ nee wɔ sua nu ɛralɛ nu, ɔvi mekɛ ɛhye anu kɔdwu mekɛ mɔɔ ɔnlɛ awieleɛ.
Biblica® Open Nzema Word of Life Gospels & Psalms 1984. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.