Biblica® Open Nzema Word of Life Gospels & Psalms 1984
Edwɛndolɛ 120
Nzɛlɛlɛ mɔɔ bɛfa bɛsɛlɛ Moalɛ la
Menvɛlɛle Nana Nyamenle wɔ me nyanelilɛ nu, na ɔdiele me ne.
O Nana Nyamenle, die me ngoane fi adalɛma ɔ nee mɛlɛbɛlavoma asa anu. Bɛmɛ adalɛ nabalabama, duzu a Nana Nyamenle bava ayɛ bɛ a? Duzu adenle a ɔbava zo yeadea bɛ a? Ɔbava katakyie ye ɛda mbaka, mɔɔ bɛ nloa ɛzɔ woonwu la yeatoto yeabɔ bɛ; na yeava samɛnlakɛ yeayela bɛ dwɛɛ.
Ɛdelɛ mɔɔ me nee bɛ de la le munzule, kɛmɔ Mihyɛke ɛdɛnlanlɛ de, anzɛɛ kɛmɔ mede hawutu bo wɔ Kidaa azɛlɛ zo la. Mekɛ tendenle yɛɛ me nee menli mɔɔ kyi anzondwolɛ la ɛdɛnla a! Mekulo anzondwolɛ, noko akee me nloa ne mɔɔ mebuke ala la, ɛnee konle ɛde.
Biblica® Open Nzema Word of Life Gospels & Psalms 1984. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.