Biblica® Open Nzema Word of Life Gospels & Psalms 1984
Edwɛndolɛ 113
Edwɛndolɛ mɔɔ bɛfa bɛye Awulae, yɛ Nyamenle ne ayɛlɛ la
Bɛye Awulae ayɛlɛ! O bɛmɛ Awulae azonvolɛ, bɛye ye ayɛlɛ; bɛye ye duma ne ayɛlɛ! Nyilalɛ ɛha Nana Nyamenle duma ne ɔvi ɛnɛ kɔdwu mekɛ mɔɔ ɔnlɛ awieleɛ. Ɔvi sɛnzɛne aduduleɛ kɔdwu sɛnzɛne adɔleɛ, bɛye ye duma ne ayɛlɛ! Ɔluakɛ Awulae tumi bo maanle maanle muala anwo zo, ye anyunlunyia ne bo anwuma maanle debie biala anwo zo.
Nwane a le kɛ Nana Nyamenle yɛ Nyamenle ne a? Yemɔ mɔɔ ɔde anwuma anwuma na ɔ nye nwu debie biala mɔɔ wɔ azɛlɛ ye azo vi anwuma moamoa nehane la a! Ɔkpogya ehyiavolɛma zo ɔfi azeva nu; ɔmaa mɔɔ ɛnlɛ bie la zo ɔfi fovolɛ zo, na ɔfa bɛ ɔsie arelemgbunli bɛ avinli, arelemgbunli mɔɔ nea ye menli nwo zo la. Ɔfa enililɛ ɔmaa motavolɛ wɔ ye aako nu; na ɔmaa ɔnyia mralɛ mɔɔ maa ye anyelielɛ a.
Aleluya! Bɛye Awulae Ayɛlɛ.
Biblica® Open Nzema Word of Life Gospels & Psalms 1984. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.