Runyankore - Rukiga Bible 1964

Zaaburi 99

Okusiima Ruhanga orikwera

MUKAMA ari aha ngoma; k'amahanga gateteme!

Ashutami ahagati ya baakerubi; k'ensi etengyete! 2

MUKAMA ni mukuru omuri Saayuuni;

Ari ahaiguru, naakira amahanga goona. 3

Ka bahimbise eiziina ryawe erikuru kandi eririkutiinisa;

Bati: N'Orikwera kandi Ow'amaani, 4

Omukama okunda eby'oburyo!

Niiwe otaho obwinganisa omu bantu;

Okacwa emanja z'oburyo n'okuhikiirira omuri Yakobo. 5

Muhimbise MUKAMA Ruhanga waitu;

Mumuramize omu maisho g'akatebe k'ebigyere bye,

Nimugira muti: N'Orikwera! 6

Musa na Arooni bakaba bari omu banyamurwa be,

Na Samueli ari omu barikutakira eiziina rye.

Bakatakira MUKAMA, yaabagarukamu. 7

Akabagambira ari omu nyomyo y'ekicu,

Baayorobera ebi yaahamize n'ebiragiro ebi yaabateereireho. 8

Ai MUKAMA Ruhanga waitu, okaba obagarukamu;

Okaba ori Ruhanga orikubasaasira,

N'obu oraabe waabahoire enzigu ahabw'ebibi ebi baakozire. 9

Muhe MUKAMA Ruhanga waitu ekitiinisa,

Mumuramize aha kibungo kye ekirikwera.

Ahakuba MUKAMA Ruhanga waitu n'Orikwera.

Source notes (9)

Cross-reference Zab 80:1; 93:1; 96:9; Isa 24:19.
Cross-reference Zab 113:4; Isa 24:23.
Cross-reference Bir 28:58; Yos 24:19; Isa 6:3.
Cross-reference Bir 32:4; Isa 61:8; Yer 23:5.
Cross-reference Zab 118:28; 132:7; 1 Bus 28:2; Kur 15:2; Isa 60:13.
Cross-reference Kur 17:11; Lev 8:12; 1 Sam 7:9; Yer 15:1.
Cross-reference Kur 33:9; Kub 12:5.
Cross-reference Kur 32:35; Kub 14:20; 20:12; Bir 9:20.
Cross-reference Zab 2:6.

Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · Public domain · SourceEdition imported 2026-11-09.