Runyankore - Rukiga Bible 1964
Zaaburi 95
Eby'okusiima Ruhanga, n'okumushaba okuturinda ebibi by'Abaisraeli aba ira
Nimwije tweshongorere MUKAMA,
Tuteerere Rukiri rw'okujunwa kwaitu akaari k'okushemererwa.
Twije omu maisho ge nitusiima,
Tumuteerere akaari k'okushemererwa na zaaburi. 2
Ahakuba MUKAMA ni Ruhanga omukuru,
Omukama omukuru orikukira baaruhanga boona.
Ensa z'ensi ziri omu mukono gwe,
N'emitwe y'enshozi nayo n'eye. 3
Enyanja n'eye, ahakuba niwe yaagihangire,
N'engaro ze zikabumba ensi. 4
Mwije tumuramye nitwinama,
Tutsimbire amaju MUKAMA Omuhangi waitu; 5
Ahakuba niwe Ruhanga waitu,
Naitwe turi abantu b'omu iriisizo rye, kandi entaama z'omu mukono gwe.6 7
Nkaabaasibwa ki, hati muhurira eiraka rye,
Mureka kugangaaza emitima yaanyu nk'ahari Meriba,
Nk'obwa Maasa muri omu ihamba, 8
Obu baashwenkuriimwe bangyeza,
Bakantega, nibareeba emirimo yangye. 9
Nkamara emyaka makumi ana ngwereirwe kubi ab'obusingye obwo,
Naagira nti: N'abantu abatuura nibahaba omu mitima yaabo,
Kandi tibarikumanya mihanda yaabo,
Kandi tibarikumanya mihanda yangye. 10
Nikyo naarahiriire n'ekiniga nti:
Tibaritaaha mu buruhuukiro bwangye.
Source notes (10)
- Cross-reference Zab 66:1; 89:26.
- Cross-reference Zab 135:5; 2 Bus 2:5.
- Cross-reference Kut 1:9, 10; Yon 1:9.
- Cross-reference Bir 32:6; 2 Bus 6:13; Yob 35:10; Isa 51:13; Dan 6:10; Luk 22:41.
- Cross-reference Zab 48:14; 74:1.
- Cross-reference Heb 3:7-11.
- Cross-reference Kur 9:34; 17:2-7; Kub 20:2-13; 1 Sam 6:6.
- Cross-reference Zab 78:18; 1 Kor 10:9.
- Cross-reference Kub 14:33, 34; Byak 13:18; Heb 3:17.
- Cross-reference Bir 1:34, 35; 12:9; Heb 3:18; 4:3, 5.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.