Runyankore - Rukiga Bible 1964
Zaaburi 29
Amaani g'Eiraka rya Mukama Zaaburi ya Daudi
Imwe ab'omu iguru, muhimbise MUKAMA,
Muhimbise MUKAMA, mugambe ku aine ekitiinisa n'amaani;2
Muhe MUKAMA ekitiinisa ekishemereire eiziina rye;
Muramye MUKAMA, mujwaire eby'okuhikiirira. 3
Eiraka rya MUKAMA rigambira aha maizi,
Ruhanga ow'ekitiinisa ahinda,
Niwe MUKAMA ohindira aha maizi maingi. 4
Eiraka rya MUKAMA n'ery'amaani,
Eiraka rya MUKAMA riijwire ekitiinisa.
Eiraka rya MUKAMA rihenda ebiti by'emyereezi;
Eego, MUKAMA ahenda ebiti bya Lebanooni eby'emyereezi. 5
Akinisa Lebanooni nk'enyana,
Na Sirioni nk'enyana y'embogo.
Eiraka rya MUKAMA ribaganisa endimi z'omuriro.
Eiraka rya MUKAMA ritengyetsa eihamba,
MUKAMA atengyetsa eihamba rya Kadeshi. 6
Eiraka rya MUKAMA ritoroozya empara, rikonkobora ebibira;
Kandi omuri hekalu ye byona bigira biti: Oheebwe ekitiinisa. 7
MUKAMA akashutama aha kitebe ky'obukama bwe aha mwegyemure gw'amaizi;
Eego, MUKAMA atuura ari Omukama ebiro byona. 8
MUKAMA aryaha abantu be amaani;
MUKAMA aryaha abantu be omugisha gw'obusingye.
Source notes (8)
- Cross-reference Zab 96:7-9.
- Cross-reference Zab 89:6.
- Cross-reference Zab 18:11, 13; Yob 37:4, 5.
- Cross-reference Zab 68:33.
- Cross-reference Zab 114:4, 6; Bir 3:9.
- Cross-reference Yob 39:1-3.
- Cross-reference Zab 10:16; Kut 6:17.
- Cross-reference Zab 68:35; Isa 40:29.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.