Zaaburi 137

Obushaarizi obu enkwatwa zaarebire omuri Babulooni

11

Aha rubaju rw'emigyera ya Babulooni tukashutama,

Twarira ahabw'okwijuka Saayuuni.

2Twahanika enanga zaitu aha biti,

Ebyabaire biri aha rubaju rw'egyo migyera.

3Ahakuba abaatunyagire, aho niho baaturagiririire kweshongora,

Kandi abaabaire nibatuboroozya, baaturagiira kusheka,

Nibagira bati: Mutweshongorere ekyeshongoro kimwe aha bya Saayuuni.

4Nitubaasa tuta kweshongora ekyeshongoro kya MUKAMA

Omu ihanga eritari ryaitu?

5Ku ndaakwebwe, iwe Yerusaalemu,

Omukono gwangye gwa buryo gukookoote. 62

Orurimi runyomere aha nkanka,

Ku ndaabe ntakwijukire,

Ntakunzire Yerusaalemu okukira ebirikunshemeza byona. 73

Ai MUKAMA, ijuka eki Abanyedomu baakozire buri

Aha izooba rya Yerusaalemu, obu baagira bati:

Nimugisheenye, mugisheenye, muhikye aha misingi yaayo.

8Iwe Babulooni 'we, orikwija kuhwerekyerezibwa,

Orikuzimuurira nk'ebi waatugiriire, ahiiriirwe!

9Orikwata abaana baawe abato, akabateera aha nkiri,

Ahiiriirwe!