Runyankore - Rukiga Bible 1964
Zaaburi 118
Oku embabazi za Mukama zigumaho ebiro byona
Nimusiime MUKAMA, ahabw'okuba ni murungi;
Kandi embabazi ze n'ez'ebiro byona. 2
Israeli agire ati:
Embabazi ze n'ez'ebiro byona.
Ab'enju ya Arooni bagire bati:
Embabazi ze n'ez'ebiro byona.
Abatiina MUKAMA bagire bati:
Embabazi ze n'ez'ebiro byona. 3
Ku naabaire ndi omu busaasi, nkatakira MUKAMA,
MUKAMA yangarukamu, yanta omu mwanya gugarami. 4
MUKAMA ari aha rubaju rwangye, tinditiina;
Omuntu naabaasa kungira ata? 5
MUKAMA ari aha rubaju rwangye kumpwera;
N'ahabw'ekyo ndyareeba eki ndikwetengyera abarikuunyanga. 6
Ni kirungi okwesiga MUKAMA
Okukira okwesiga abantu; 7
Ni kirungi okwesiga MUKAMA
Okukira okwesiga abategyeki. 8
Amahanga goona gantangatangire;
Omu iziina rya MUKAMA ndyagahwerekyereza.
Gantangatangire; buzima gantangatangire;
Omu iziina rya MUKAMA ndyagahwerekyereza. 9
Bampumbatsi nk'enjoki,
Nibabuguma nk'omuriro gw'amahwa;
Omu iziina rya MUKAMA ndyabahwerekyereza.
Baanyohire kungwisa;
Kwonka MUKAMA yampwera. 10
MUKAMA niwe maani gangye n'ekyeshongoro kyangye;
Kandi ahindukire okujunwa kwangye. 11
Eiraka ry'okushemererwa ahabw'okujunwa
Nirihurirwa omu mahema g'abahikiriire;
Omukono gwa buryo gwa MUKAMA gukora eby'obumanzi.
Omukono gwa buryo gwa MUKAMA gubangirwe;
Omukono gwa buryo gwa MUKAMA gukora eby'obumanzi. 12
Tindifa, kureka ndyagumaho,
Mmanyise abantu ebi MUKAMA yaakozire. 13
MUKAMA akampana munonga;
Kwonka tarampaireyo hari rufu. 14
Muunyigurire amarembo g'okuhikiirira,
Ntaahemu, nsiime MUKAMA. 15
Eri niryo irembo rya MUKAMA;
Abahikiriire nibo baririrabamu. 16
Ninkusiima, ahabw'okuba ongarukiremu,
Waahinduka okujunwa kwangye. 17
Eibaare eri abombeki baayangire,
Niryo ryahindukire erikuru ery'obuhamizo bw'enju,
Ekyo kikaruga ahari MUKAMA,
Kandi n'eky'okutangaaza omu maisho gaitu.
Eri niryo izooba eri MUKAMA yaataireho;
Ka turishemerererwe, turyesiimireho. 18
Ai MUKAMA, nitukweshengyereza, otujune;
Ai MUKAMA, nitukweshengyereza, otuhe okuhitsya gye ebi turikukora.
Orikwija omu iziina rya MUKAMA aine omugisha;
Twabashabira omugisha turi omu nju ya MUKAMA. 19
MUKAMA niwe Ruhanga, kandi atujwisiza omushana.
Mubohese ekitambo emigoye, mukitware aha mahembe g'eitambiro. 20
Niiwe Ruhanga wangye, ninkusiima;
Niiwe Ruhanga wangye, ninkuha ekitiinisa. 21
Musiime MUKAMA, ahabw'okuba ni murungi;
Kandi embabazi ze n'ez'ebiro n'ebiro.
Source notes (21)
- Cross-reference Zab 100:5; 1 Bus 16:34; Yer 33:11.
- Cross-reference Zab 115:9-11.
- Cross-reference Zab 18:6, 19.
- Cross-reference Zab 56:9, 11; Rom 8:31; Heb 13:6.
- Cross-reference Zab 54:4, 7.
- Cross-reference Zab 40:4; Yer 17:5, 7.
- Cross-reference Zab 146:3; Isa 30:1-3.
- Cross-reference Zab 88:17.
- Cross-reference Zab 58:9; Bir 1:44.
- Cross-reference Kur 15:2; Isa 12:2.
- Cross-reference Kur 15:6; Luk 1:51.
- Cross-reference Zab 6:5; 73:28; 107:22.
- Cross-reference Yer 30:11; 2 Kor 6:9.
- Cross-reference Isa 26:2.
- Cross-reference Zab 24:7; Kush 21:27; 22:14.
- Cross-reference Zab 27:1; 116:1.
- Cross-reference Isa 28:16; Mak 12:10, 11; Byak 4:11; Efe 2:20; 1 Pet 2:4, 7.
- Cross-reference Mat 23:39; Mak 11:9; Yoh 12:13.
- Cross-reference Zab 97:11; Kur 27:2.
- Cross-reference Zab 99:5; Kur 15:2; Isa 25:1.
- Cross-reference Zab 118:1.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.