Runyankore - Rukiga Bible 1964
Zaaburi 110
Ruhanga okuha Kristo obushoboorozi bw'okutegyeka
Zaaburi ya Daudi
MUKAMA akagambira Mukama wangye ati:
Shutama aha rubaju rwangye rwa buryo,
Okuhitsya obu ndigira abazigu baawe akatebe k'ebigyere byawe. 2
MUKAMA aryayohereza enkoni y'obushoboorozi bwawe, ari omuri Saayuuni;
Otegyekye ahagati omu bazigu baawe. 3
Abantu baawe baryayehayo beekundiire aha izooba eri origabiraho engabo,
Abatsigazi baawe baije ah'ori nk'ekime,
Bajwaire eby'obwecumi ebirikwera, baimukire kare omu kasheeshe. 4
MUKAMA akarahira, kandi taryefuuza, naagira ati:
Ori omunyamurwa w'ebiro byona omu muringo gwa Melikizedeki. 5
Mukama ari aha rubaju rwawe rwa buryo;
Aryacwanyagura abagabe aha izooba ry'ekiniga kye. 6
Aryacwa emanja omu mahanga.
Aryaijuza emyanya emitumbi,
Ayatagurire emitwe y'engabo omu mwanya gugarami.
Aryanywa aha kagyera k'omu muhanda;
Nikyo kirimureetera kwimutsya omutwe.
Source notes (6)
- Cross-reference Mak 12:36; Byak 2:34, 35; 1 Kor 15:25; Heb 1:13; 10:12, 13.
- Cross-reference Zab 45:6; Dan 7:14.
- Cross-reference Zab 96:9; Bar 5:2.
- Cross-reference Kut 14:18; Kub 23:19; Zek 6:13; Heb 5:6; 6:17, 18, 20; 7:17, 21.
- Cross-reference Zab 2:5, 12; 16:8; Rom 2:5; Kush 11:18.
- Cross-reference Zab 68:21; Isa 2:4; Yoel 3:12.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.