Runyankore - Rukiga Bible 1964
Malaki 4
Ekiro ky'okugaruka kwa MUKAMA waitu
Ahakuba reeba, eizooba niriija, niryotsya nk'etanuuru, obu abanyamaryo n'enkozi z'ebibi bariba nk'ebitsintsi by'embuba; ekyo kiro ekiriija kiryabookyeza kimwe, tikiribatsigira muzi n'obu ryakuba eitaagi; nikwo MUKAMA ow'amahe arikugira. 2 Kwonka imwe abarikutiina eiziina ryangye, eizooba ry'okuhikiirira riryaturuka ahabwanyu, riine okutamba omu mapapa gaaryo. Muryashohora nimukina nk'enyana zirikuruga omu kihongore. Aha izooba eri ndikoreraho, muryaribatiirira ababi, babe eiju ahansi y'ebigyere byanyu; nikwo MUKAMA ow'amahe arikugira. 3
Mwijukye ebiragiro by'omuheereza wangye Musa, ebyatairweho n'emigyenzo ei naamuragiriire ahari Horebu ahabwa Israeli yoona. 4
Reeba, ndyabooherereza nabi Eliya, ekiro kya MUKAMA ekikuru kandi ekirikutiinisa kitakaizire. 5 Niwe arihindura emitima y'abazaire bakagarukana n'abaana baabo, n'ey'abaana bakagarukana n'abazaire baabo, ngu ntakaija nkaitsa ensi omukyeeno.
Source notes (5)
- Cross-reference Isa 47:14; Mal 3:2; Mat 3:12; 2 Tes 1:7, 8.
- Cross-reference Zab 84:11; Isa 53:5; Luk 1:78; Yoh 8:12; 12:46.
- Cross-reference Kur 20:3-17; Bir 4:9, 10.
- Cross-reference Yoel 2:31; Mal 3:1; Mat 11:14.
- Cross-reference Isa 11:4; Luk 1:17.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.