Yobu 8

Biludaadi okugarukamu Yobu

1Bwanyima Biludaadi Omushuuhi yaamugarukamu ati: 21

Beitu oryahitsya hi okugamba otyo,

Kandi ebigambo by'omu kanwa kaawe kuba nk'omuyaga gw'amaani? 32

Noogira ngu Ruhanga asingisiriza,

Nari Ow'obushoboorozi bwona aita emanja z'oburyo? 43

Abaana baawe ku baraabe baacumwire ahari Ruhanga,

Akabahayo omu bushoboorozi bw'ekicumuro kyabo. 54

Kwonka iwe, ku oraayezirikye kusherura Ruhanga,

Waayeshengyereza Ow'obushoboorozi bwona, 65

Ku oraabe oshemeire kandi ohikiriire,

Buzimazima Ruhanga naija kwimuka ahabwawe,

Akugarurire eka yaawe eyaabaire ehikiriire. 76

Kandi n'obu okutandika kwawe kuraabe kwabaire kuri kukye,

Kwonka omu biro byawe ebya bwanyima ebyawe biryakanya munonga. 87

Ninkweshengyereza, buuza eby'ebiro bya ira,

Oyetegyereze eki baatatenkuriitwe baareebire; 98

Ahabw'okuba itwe turi aba nyomwabazyo, titwine ki turikumanya,

Kandi ebiro byaitu omu nsi ni nk'ekicuucu.

10Tibarikwija kukwegyesa, bakakugambire,

Nibahamya ebigambo ebi barikumanya? 119

Orufunjo nirubaasa kumera ahataine byondo,

Nari omubimbiri kumera ahataine maizi? 1210

Ku biba bikiri bibisi, bitakatemirwe,

Bibandiza ebindi binyaatsi byona kwoma. 1311

Emihanda y'abarikwebwa Ruhanga boona nikwo eri,

N'amatsiko g'otarikutiina Ruhanga garyahwaho. 1412

Eki arikwesiga kiryacuubwamu kabiri,

N'obwesigye bwe ni nk'orububi rw'orutangura. 1513

Aryayegamira enju ye, kwonka teryemerera;

Aryagikwata, kwonka terigumaho. 1614

Naabengyeya aha mushana,

N'omurubo gwe gubuga omusiri gwe;

17Emizi ye neerandira aha mutuumo gw'amabaare,

Atuura omu nkiri. 1815

Ku ariihwa ahu yaabaire ari,

Haryamwehakana hati: Tinkakureebaga.

19Reeba, okwo nikwo kushemererwa kw'omuhanda gwe,

Kandi omu itaka haryameramu abandi.

20Reeba, tarinaga muntu ohikiriire,

Kandi tariramira nkozi z'ebibi. 2116

Kwonka obunaku butari obu aryaijuza akanwa kaawe esheko

N'eminwa yaawe eteere akaari. 2217

Abaabaire nibakwanga, baryashwekwa enshoni,

Kandi eihema ry'enkozi z'ebibi tiririgaruka kubaho.