Runyankore - Rukiga Bible 1964
Yobu 26
Okugarukamu kwa Yobu
Bwanyima Yobu yaagarukamu ati:
Eshi waamanya kuhwera otaine bushoboorozi!
Omukono ogutaine maani waamanya kugujuna!
Otaine bwengye waamanya kumuhabura,
Kandi waagamba ebigambo bingi ebirimu okumanya okuhikire!
Owaakugambisa ebyo bigambo n'oha?
Kandi omwoyo ogwakugambisa n'ogw'oha? 1
Abaafiire nibatetemera ahansi y'amaizi,
Hamwe n'ebituurayo. 2
Okuzimu eri omu maisho ga Ruhanga ejwaire busha,
kandi n'owa nyamuteza taine ky'okweshweka. 3
Akabamba obukiizi-bwa-bumosho omu mwanya kwonka,
N'ensi yaagihanika ahari busha. 4
Yaakoma amaizi omu bicu bikwataine,
Ebiro tibyataaguka. 5
Ekitebe kye atuura akikingiire,
Akishwekire ekicu kye. 6
Amaizi akagateeraho obugarukiro,
Ahu omushana n'omwirima byatanira. 7
Enyomyo z'eiguru zitetema,
Zitangaarira okuhana kwe. 8
Ahabw'obushoboorozi bwe acureeza enyanja,
N'ahabw'obwengye bwe akacumita 9Rahabu. 10
Omwitsyo gwe gureetera eiguru entsya nungi,
N'omukono gwe agucumitisa ekijoka ekirikuhunga. 11
Reeba, ebyo nibyo, kwonka n'otw'aha rubaju omu mitwarize ye,
Kandi n'ebi tumuhuriraho ni bikye munonga nk'okugambirana omu kutu;
Kwonka okuhinda kw'obushoboorozi bwe n'oha orikubaasa kukwetegyereza?
Source notes (11)
- Cross-reference Zab 88:10.
- Cross-reference Yob 28:22; 31:12; Zab 139:8; Enf 15:11; Isa 14:9; Kush 9:11.
- Cross-reference Yob 9:8; Kut 1:2.
- Cross-reference Enf 30:4.
- Cross-reference Yob 36:29.
- Cross-reference Yob 38:8-11; Enf 8:29; Yer 5:22.
- Cross-reference Yob 9:6; Zab 75:3; 104:7.
- Cross-reference Yob 9:13; Isa 51:15; Yer 31:35.
- Footnote Rahabu amakuru, Omugoye ogutuura omu nyanja.
- Cross-reference Isa 27:1.
- Cross-reference Yob 4:12; 40:19.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.