Runyankore - Rukiga Bible 1964
Yeremia 45
Yeremia okuhanuurira Baruki eby'obusingye
Eki n'ekigambo eki nabi Yeremia yaagambiire Baruki mwene Neria, obu yaahandiika ebigambo ebi omu kitabo, naabigambirwa Yeremia omu mwaka gwa kana ogw'omu busingye bwa Yehoyakimu mwene Yosia omugabe wa Yuda, naagira ati: Oku nikwo MUKAMA, Ruhanga wa Israeli, arikukugira, iwe Baruki, ati: 2 Okagira oti: Ai bambe! Eshi ndeebire, ahabw'okuba MUKAMA ayongyeire enaku aha busaasi bwangye; okutsinda kwankabya, tiinyine buhuumure. 3 Mbwenu omugire oti: Oku nikwo MUKAMA arikugamba naagira ati: Reeba, eki naayombekire, ninkisheenya; kandi eki naabyaire, ninkikuura; kandi niinyija kukikora omu nsi yoona. 4 Mbwenu nooyesherurira ebikuru? Otabisherura. Ahabw'okuba reeba, naaza kureeta akabi aha bantu boona; kwonka iwe ndyakutimbuura omu rugamba n'engabirano, nigo magara gaawe, omu myanya yoona ei orizamu; nikwo MUKAMA arikugira.
Source notes (4)
- Cross-reference Yer 32:12; 36:1, 4, 18.
- Cross-reference Yer 36:26; Zab 6:6; Tonz 1:3; 5:5.
- Cross-reference Isa 5:5.
- Cross-reference Yer 21:9; 25:26, 29; 39:18; Zab 131:1, 2; Rom 12:16.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.