Runyankore - Rukiga Bible 1964
Isaaya 4
Eryo izooba abakazi mushanju baryaza aha mushaija omwe, bamugire bati: Nitwija kweriisa, twejwekye, kwonka otwikirize, twetererwe eiziina ryawe; otwiheho ekihemu.
Mukama okuraganisa Saayuuni ebirungi
Eryo izooba eitaagi rya MUKAMA riryaba rirungi kandi ery'ekitiinisa; n'Abaisraeli abariba bahonokireho, ebyezire omu nsi yaabo biryabeehimbisisa, bibareetere ekitiinisa. 3 Bwanyima omuntu weena oriba atsigaireho omuri Saayuuni na Yerusaalemu, akahandiikwa omu bahuriire baamwo, aryayetwa orikwera, 4 Mukama ku ariba yaherize kwozya oburofa bw'abaishiki ba Saayuuni, n'okumaraho amabara g'eshagama omuri Yerusaalemu, naabiihisaho omwoyo gw'emanja z'oburyo n'ogurikwotsya. 5 Bwanyima MUKAMA aryata aha rushozi rwona orwa Saayuuni n'aha bantu abariba bateeraniireyo ekicu n'omwika nyomushana, n'okuhweza kw'omuriro ogurikwaka nyekiro; ahabw'okuba ekitiinisa kyaho kyona haryagira eky'okukisangira kandi n'eihema; 6 kibe eky'okukisangira omushana nyomushana, kandi obuhungiro n'obwegamo bw'eihunga n'enjura.
Source notes (6)
- Cross-reference Isa 3:6; Kut 30:23.
- Cross-reference Isa 11:1; 27:6; Yer 23:5; 33:15; Zek 3:8; 6:12.
- Cross-reference Isa 6:13; 10:20; Zab 69:28; Kur 32:32; Luk 10:20.
- Cross-reference Ezk 36:25; Mal 3:2; Mat 3:11.
- Cross-reference Kur 13:21, 22.
- Cross-reference Isa 25:4; Zab 27:5.
Runyankore - Rukiga Bible 1964. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.