TRADUCTION BILBE EN KINYANGA
Matthew 1
Erubuto rwasairenga mo Yesu
(Ruk 3.23-38)
Uno nge mutondeko w'eributwa ra Yesu Kirisitu. Yesu ngo wabutwanga mu ruanda rwa Ndauti, na Ndauti wabutwanga mu ruanda rwa Iburahimu.
Iburahimu wabutanga Isake.
Na Isake wabuta Yakobo.
Na Yakobo wabuta Yuta na banachabo.
Na Yuta wabuta Peresi na Sera kuri Tamari.
Na Peresi wabuta Esironi.
Na Esironi wabuta Ramu.
Na Ramu wabuta Aminatabu.
Na Aminatabu wabuta Nasoni.
Na Nasoni wabuta Sarumoni.
Na Sarumoni wabuta Buasi kuri Rahabe.
Na Buasi wabuta Obeti kuri Ruti.
Na Obeti wabuta Yese.
Na Yese wabuta emwami Ndauti.
Na Ndauti wabuta Soromono kuri mukari wa Oria.
Na Soromono wabuta Roboamu.
Na Roboamu wabuta Abiya.
Na Abiya wabuta Asafu.
Na Asafu wabuta Yosafati.
Na Yosafati wabuta Yoramu.
Na Yoramu wabuta Osia.
Na Osia wabuta Yotamu.
Na Yotamu wabuta Ahasi.
Na Ahasi wabuta Esekia.
Na Esekia wabuta Manase.
Na Manase wabuta Amoni.
Na Amoni wabuta Yosia.
Na Yosia wabuta Yekonia na banachabo mu kiranga nchi chabesenga Baisiraeri mu bukobe ku Babironi1.
Baisiraeri bakianga bamarierwa ku Babironi, Yekonia wabuta Saratieri.
Na Saratieri wabuta Sorobaberi.
Na Sorobaberi wabuta Abihuti.
Na Abihuti wabuta Eriakimu.
Na Eriakimu wabuta Asori.
Na Asori wabuta Sandoke.
Na Sandoke wabuta Akimu.
Na Akimu wabuta Erihuti.
Na Erihuti wabuta Eriasari.
Na Eriasari wabuta Matani.
Na Matani wabuta Yakobo.
Na Yakobo wabuta Yosefu. Yosefu ngo nge wabesenga moke wa Maria.
Na Maria ngo nge wabuta Yesu ngu wabikirwa mbu Kirisitu.
Ibuchie kuri Iburahimu ieya na kuri emwami Ndauti, hetanga nkiso ikumi na sinye. N'ibuchie kuri emwami Ndauti ieya na mu kiranga nchi charierwanga mo Baisiraeri mu bukobe ku Babironi, hetanga hotu nkiso ikumi na sinye. N'itukire ekiranga nchi charierwanga mo Baisiraeri mu bukobe ku Babironi, ieya n'ekiranga nchi chabutwanga mo Kirisitu, hetanga hotu simpe nkiso ikumi na sinye.
Eributwa ra Yesu Kirisitu
(Ruk 2.1-7)
Eributwa ra Yesu Kirisitu rabesenga buno: Maria, nina, wabesenga wamachumbiwa na Yosefu. Ina warekɨa nenki ntíwamuherucha, Maria wasungwa nti ngie murito. Eburito mbo, warianga bo mu maa eMutima Washurukara. Yosefu, muchumba wae, wabesenga mwea waombokara mu makako a Ongo, na ntwashimanga imushura nkene kuri ebea. Bushwa nancho, wahuna imutina mu siri.
Yosefu wakianga uanikirange mbo, hiha-hiha maraika wa Nyere Kuritu wamusaire mu nsori. Emaraika ngo wamwire mbu: «eYosefu, musike wa Ndauti, ang'isubaha ibinga mukari wabe Maria, bushwa mbu eburito bwae bwasaa kuri eMutima Washurukara. Iwe wasebuta mwana wabume, na ǒngo ukumubikira mbu Yesu, bushwa mbu iwe ngi waseshukayayo ebea bae ituka mu sansambi sabo.»
Ebinwa biti mbi byasaanga kongo byabererera ebinwa byebanga Nyere Kuritu ietere emutahwa mbu:
«Mukaenga! Ekitasa nchi kitangasibanga nensi wabume kisebese na burito.
Kisebuta mwana wabume.
Emwana ngo wasebikirwa mbu Manuere2.»
Manuere ngerieba mbu «Ongo uri hima nitu.»
Yosefu wakianga wamasumuka, waronja mbu bwamwerenga emaraika wa Nyere Kuritu. Nampo wáherucha mukari. Ina ntíwainchiranga nae ieya n'erotu ndu rwabutwanga emwana we wabume. Yosefu wamubikira mbu Yesu.
Source notes (2)
- Footnote Soma 2Bam 24.12-16.
- Footnote Isa 7.14,
TRADUCTION BILBE EN KINYANGA. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.