Skip to content
BibleKenya

Nguu Bible Version

Zabuli 6

Kulombeza wambizi mwa makunt'ho

Weye Zumbe ywangu usekunikanya kwa maya yako,

naho usekunisengela kwa kuniihiya kwako.

Unionele mbazi Zumbe Mnungu ywangu,

naho unihonye, kwaviya hibunt'hika.

Nna kiyangayanga vitendese mwo moyo wangu,

Zumbe Mnungu, housunguze?

Unihitukile Zumbe Mnungu uniyokole,

unilekele kwajili yo lukunde lwako lukulu.

Uko kwa wabanike hahali naakukumbukile.

Uko kwo mnyongomela niani akudaha kukutunya?

Hisokelesa kwa ndilo yangu kwa masozi,

naho kwa kuila kwangu hikijabaza kigonelo changu.

Ziso dyangu disokela kwa kinyulu,

wank'hondo wangu waditenda dihwe.

Mhalawe nyuwe nyose mkudamanya wavu,

kwaviya Zumbe Mnungu ywangu keva ndilo yangu.

Zumbe Mnungu keva kulombeza kwangu kwa kuonelwa mbazi,

Zumbe Mnungu kazumila kulombeza kwangu.

Wank'hondo wangu wose nawaone soni na kunda na kinyulu,

nawauye kunyuma na kunda na kwituka.

Nguu Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.