Nguu Bible Version
Zabuli 136
Nt'hogola kwa Mnungu
Mtogoleni Zumbe Mnungu kwaviya ni ywedi,
kwaviya lukunde lwakwe ni lwa mazuwa yose;
Mtogoleni Mungu ywa milungu,
kwaviya lukunde lwakwe ni lwa mazuwa yose;
Mtogoleni Zumbe ywa mazumbe,
kwaviya lukunde lwakwe ni lwa mazuwa yose;
Ni yehe ekedu akudamanya vihungi vikulu,
kwaviya lukunde lwakwe ni lwa mazuwa yose;
Yehe aumbile zimbingu kwa umanyi wakwe,
kwaviya lukunde lwakwe ni lwa mazuwa yose;
Yehe aumbile si mnanga mwa mazi,
kwaviya lunde lwakwe ni lwa mazuwa yose;
Yehe aumbile dizuwa no mnenge,
kwaviya lukunde lwakwe ni lwa mazuwa yose;
Zuwa dilangaze nomsi,
kwaviya lukunde lwakwe ni lwa mazuwa yose.
Mnenge ne zint'hondo zilangaze nekilo,
kwaviya lukunde lwakwe ni lwa mazuwa yose;
Yehe awakomaga nt'hula sasu wa Misili,
kwaviya lukunde lwakwe ni lwa mazuwa yose;
Awalongozaga Izilaeli kulawa Misili,
kwaviya lukunde lwakwe ni lwa mazuwa yose;
Kwa mkono uchululwe una ludole,
kwaviya lukunde lwakwe ni lwa mazuwa yose;
Yehe aipangile bahali ya Shamu,
kwaviya lukunde lwakwe ni lwa mazuwa yose;
Na kuwombosa Izilaeli mgati e bahali iyo,
kwaviya lukunde lwakwe ni lwa mazuwa yose;
Umwo mwe bahali amtufikaga Falao ne difyo dyakwe dya watowani,
kwaviya lukunde lwakwe ni lwa mazuwa yose;
Niyo awalongoza want'hu mwe dijangwa,
kwaviya lukunde lwakwe ni lwa mazuwa yose;
Uyo awatoile maseuta wakulu,
kwaviya lukunde lwakwe ni lwa mazuwa yose;
niyo awakoma maseuta amanyikise,
kwaviya lukunde lwakwe ni lwa mazuwa yose;
Sihoni seuta ywa Waamoli,
kwaviya lukunde lwakwe ni lwa mazuwa yose;
Ogu seuta ywa Bashani,
kwaviya lukunde lwakwe ni lwa mazuwa yose;
Isi yawe kawenk'ha want'hu wakwe,
kwaviya lukunde lwakwe ni lwa mazuwa yose;
ni ukipe kwa Izilaeli mndima ywakwe,
kwaviya lukunde lwakwe ni lwa mazuwa yose;
Uyo akikumbukile umwo chaswesile ludole,
kwaviya lukunde lwakwe ni lwa mazuwa yose;
Niyo akiyokolaga kulawa mwa wank'hondo wetu,
kwaviya lukunde lwakwe ni lwa mazuwa yose;
Enk'hiza nk'hande kwa viumbwa vose,
kwaviya lukunde lwakwe ni lwa mazuwa yose;
Mwink'heni nt'hogola Mnungu ywa kwe mbingu,
kwaviya lukunde lwakwe ni lwa mazuwa yose.
Nguu Bible Version. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.