Zabuli 13

Malombezo ya kukombolwa

1Ni kwa lupisi lwani nounijale weye Zumbe Mnungu?

Togola hounikumbukile mazuwa yose?

Naho noukefise nise kukuona mpaka ini?

2Neninde na kiyangayanga mwo moyo wangu kwa lupisi lwani,

na kunda na kinyulu msi mgima?

Wank'hondo wangu nawanihume mpaka ini?

3Unikaule na kunihitula Zumbe Mnungu ywangu,

uyakaulise meso yangu yase kugona nt'hongo za file.

4Use kuzumila wank'hondo wangu wagambe, “Kimhuma.”

Wata finju wasekunda na kinyemi mwo kuhumwa kwangu.

5Mna miye nakukawiila lukunde lwako holikusila,

moyo wangu wanda na kinyemi mwo uyokozi wako.

6Nohukemele weye Zumbe Mnungu,

kwo uwedi mkulu unidamanyile.