Ngelo

Kitabu che

Ngelo

ULONGOELO

Ulongoelo

Kitabu che zingelo ni mdunganyo wa milosi ya mizungu. Wawandisi wengi wagela mikono mwo uwandisi we zingelo izi, mna seuta Selemani, mwana seuta Daudi, niye awandikise ngelo zinyingi mwe izi. Mwe kitabu che nk'hongo cha maseuta mnango wa kane na msitali wa milongo mitatu na miidi, yalongwa kugamba awandikaga ngelo alufu nt'hatu. Seuta Selemani amanyikisaga kwe mizungu yakwe andaga nayo. Ivo hant'hu hengi mwe kitabu che zingelo chawandikwagwa umwo Selemani andaga akei mgima, mwe kaline ya mlongo umwo Kilisito andaga akei kwelekwa. Hant'hu hatuhu hasigale mwe kitabu iki vadahika hawandikwagwa na kuduganywa mwo lupisi aho hzekiaandaga kaikaila Yuda mwo mhilimo wa magana mfungate na mlongo na shano kubula magana mtandatu milongo mnane na mtandatu, aho kilisito andaga akei kwelekwa (mwe milongo miidi na mishano msitali wa nk'hongo). Ngelo ni milosi ya mizungu naho ni ya kindedi, mna ivituhu kujink'ha lagano hegu ulotezi. Enga viya mwe milongo miidi na kaidi na msitali wa kaidi ikulonga kugamba, wana wakuleligwa mwe sila yedi watimila sila iyo wakeza kunda wakulu. Ngelo ino kwavovose hiyo lagano kugamba hokunde na chochose nekiiihe mwo wikazi wa wana awo waleligwe mwe sila iyedi. Hata ivo ni ulangilizi wedi ukimale mwe kindedi. Kitabu che zingelo chenye chalonga kwa kutaila, mwo mnango wa nk'hongo na msitali wa kaidi kubula wa mtandatu. Kitalo chakwe ni kuwambiza kwa uhufu wabwanga nawo wamanye mzungu no ulangilizi wedi, naho wata mzungu wandilise na mzungu .

Yemndani:

1. Milango ya nk'hongo kubula milongo ni Zingelo za Selemani 22:16

2. Miduganyo miidi ya milosi ya mzungu 22:17-24

3. Miduganyo mituhu ya ngelo. Izi zaduganywagwa ni wandima wa seuta Hezekia.

4. Milosi ya Aguli, Mnango wa 30

5. Milosi ya Lemueli. Mnango 31:1-9.

6. Kwo uhelo, kwalongwa mbuli ya nyendo zedi za wakaza want'hu: 31:10-31.