YONA

Buku ekoma YONA

Yona

Bokwea ta buku

Buku e Yona etubanadea midjɔ misonganaka na motɛli omɔti, omekaka bolona motindo mo Ndjakomba endelo ailonga. Midjɔ mitikoanake mikɔɔmɔ ta isolo idii sooti mɛnɛ dinedjadea bileho bipalakadea bipame ta buku. Ta mondumba momina, isolo idii idongi ta isɔsi di bwanya di Isalɛlɛ. Isolo di Yona dibalakadea pongono ndambo e midjɔ mi tɛtɔ: Ndjakomba tainedje epaeli e nde oto ta Isalɛlɛ, endelo akaenedje pongono ta dii bakɛndɛli ibia bakamosume; ehole ekebedjami bato ko basɔmbɔtɔni midaa Ndjakomba akadae seko mbuti na bokina midjɔ meko mibe mitombaki iyo; iboa adii moswa leke losusu, na bonɔ adii moswa mohelo ko na yogo, ko motɛli abwaniti bosatungea ehole ebwani Ndjakomba bokutubanedja pekato dji bato babe. Buku e Yona einedjakadea midjɔ mi mongandi minɛnɛ ko na epaeli na makamba, mameko ko na kitɛ dji bwani botanea moto iyona obolodji elomu e Ndjakomba. Elolehakadea bo Ndjakomba ta kine mbaeli o nde iyo mɛnɛ ta tei e matungea, ko tapale atie bohali na nde, modjɔ mo Ndjakomba akadae seko mbuti na bomobaleaka ko na bomotingodjaka ndelo esusu bo epaeli e nde edii tina e moto mosusu. Yesu atubana isolo di Yona bɛngi atɔndee bogwa ko na bosisoa bo nde, bɛngi apɛ embete adii bato ba ehole iyena bosɔmbɔtɔnɔ midaa mi bato ba Niniwe (Mat 12, 38-42; Luka 11, 19-35).