Biblica® IBhayibhili Elingcwele LesiNdebele Elifinyelelekayo

AmaHubo 15

Ihubo likaDavida.

Thixo, ngubani ongahlala endlini yakho engcwele na?

Ngubani ongahlala entabeni yakho engcwele na?

Ngulowo okuhamba kwakhe kungelansolo

njalo owenza okulungileyo,

okhuluma iqiniso liphuma enhliziyweni yakhe,

ongachothoziyo ngolimi lwakhe,

ongoneli umakhelwane wakhe

futhi ongagconi umzalwane wakhe,

oweyisa umuntu oxhwalileyo

kodwa ohlonipha labo abesaba uThixo,

ogcina isifungo sakhe loba kubuhlungu ukwenzenjalo,

owebolekisa imali yakhe engadingi inzuzo

njalo owalayo ukuthengwa ukuze kwetheswe umlandu kongelacala.

Lowo owenza lezizinto

akayikuzanyazanyiswa lanini.

Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.