Biblica® IBhayibhili Elingcwele LesiNdebele Elifinyelelekayo
AmaHubo 14
Kumqondisi wokuhlabela. KaDavida.
Isiwula sithi enhliziyweni yaso,
“AkulaNkulunkulu.”
Baxhwalile, izenzo zabo zibolile;
kakho loyedwa owenza okuhle.
UThixo ukhangela phansi esezulwini
emadodaneni abantu
ingabe bakhona yini abazwisisayo,
abamdingayo uNkulunkulu.
Bonke baphambukile, bonke sebexhwalile;
kakho loyedwa owenza okuhle,
kakho lamunye.
Kanti lezizixhwali kaziyikufa zafunda yini?
Zona ezidla abantu bami ingathi zidla isinkwa,
ezingamkhonziyo uThixo.
Kodwa yibo abagubhazeliswa luvalo
ngoba uNkulunkulu ukhona phakathi kwabalungileyo.
Lina benzi bobubi lifubisa amalungiselelo abayanga,
kodwa uThixo uyisiphephelo sabo.
Awu, sengathi insindiso ka-Israyeli ingaqhamuka eZiyoni!
Nxa uThixo esebuyisela impumelelo yabantu bakhe,
kathokoze uJakhobe lo-Israyeli ajabule!
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.